Flash News

Vrasja e biznesmenit/ Apeli lë në qeli Fredi Rrushin, në arrest shtëpie vëllai i tij

Testi i drogës në Policinë e Shtetit/ 1 mijë teste të kryera, 60 efektivë të dyshuar si konsumator droge

Gjurmë kokaine në parlamentin britanik, afër zyrës së Boris Johnson, kush fshihet pas skandalit

Escobar viziton Shqipërinë në një moment "të nxehtë" politik, ambasada e SHBA: Rikonfirmon luftën ndaj korrupsionit

Posta e mëngjesit/ Me 2 rreshta: Çfarë pati rëndësi dje në botë

E-TJERA

Vdekja e 4 turistëve në Qerret/ Dalin detaje të reja, trupat e pajetë nuk u gjetën në sauna. Reagon ambasada ruse: Presim hetim të plotë

Politiko 17 Tetor 2021, 12:47

Vdekja e 4 turistëve në Qerret/ Dalin detaje të reja, trupat e

Ambasada e Rusisë në Shqipëri ka reaguar për humbjen e jetës së katër shtetasve rusë në një hotel në Qerret të Kavajës.

Ambasada pret një hetim të plotë nga autoritetet shqiptare për këtë ngjarje, ndërsa bën me dije se Ministria e Jashtme ruse do të tërheqë trupat e pajetë. Gjithashtu shton se është në kontakt të vazhdueshëm me agjencitë e zbatimit të ligjit për zbardhjen e shkakut të vdekjes.

"Për vdekjen e katër shtetasve rusë në Shqipëri. Ambasada Ruse në Shqipëri konfirmon vdekjen e katër shtetasve rusë (Natalia Burenkova, Sergey Burenkov, Ekaterina Burenkaya dhe Nikita Belousov) në një hotel pranë Qerretit.

Departamenti Konsullor i Ambasadës është në kontakt të vazhdueshëm me agjencitë e zbatimit të ligjit të vendit që po heton rrethanat e asaj që ndodhi. Ne presim një hetim të plotë nga pala shqiptare për shkaqet e vdekjes së rusëve. Njoftohen të afërmit e të ndjerit. Do të ketë riatdhesim të trupave në atdheun e tyre. Ministria e Jashtme ruse", thuhet në njoftimin e ambasadës

Ndërkohë detaje të reja kanë dalë nga ngjarja e rëndë e ndodhur mbrëmjen e së premtes. Nga hetimet paraprake, rezultatet e të cilave po qrakullojnë në media është konstatuar se  katër turistët rusë  nuk janë asfiksuar brenda saunës siç u njoftua fillimisht nga policia.

Dy prej trupave të pajetë janë gjetur në shezlongët dhe mjediset pranë pishinës dimërore. Këto detaje e kanë komplikuar dhe më tej zbardhjen e shkakut të ngjarjes.

Edhe nga ekzaminimet e ujit të pishinës nuk dyshohet se ka gjurmë të një lënde helmuese. Trupat e pajetë ndodhen në morgun e Tiranës, ku mjekësia ligjore do të bëjë ekspertizat e nevojshme për të përcaktuar shkakun e vdekjes.

Kujtojmë që viktimat janë Natalia Burenkova dhe Sergei Burenkova, si dhe vajza e tyre Ekaterina Burenkova së bashku me të fejuarin e saj, Nikita Belousov. Ata kishin ardhur në vendin tonë për një udhëtim turistik.

Të fundit

ME SHUME ARTIKUJ