Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Vdekja e Kadaresë, reagon e bija: S'kam kohë të harroj shumë gjëra

Politiko 1 Korrik 2024, 18:48

Vdekja e Kadaresë, reagon e bija: S'kam kohë të harroj

Shkrimtari shqiptar, Ismail Kadare, vdiq të hënën në moshën 88-vjeçare. Lajmi i trishtë ka ngjallur reagime të shumta, përfshirë edhe mediat e huaja prestigjoze. 

Së fundmi, vjen edhe reagimi i të bijës, Besjana Kadare. Ajo zgjdodhi një poezi të të atit për të shprehur dhimbjen për humbjen e saj. 

Kohë e pamjaftueshme


S'kam kohë të harroj shumë gjëra
Që nga mendja ti nxjerr përjetë.
Për tragjikët e vjetër e shkrepëtimat
Do t'më duhen së paku dy vjet.
Dhe ndoshta po aq për Danten,
Për frëngjishten tok me plazhet po aq,
Ndoshta gratë do të jem duke fshirë
Kur muzgu do të afrohet ndërkaq.
Si udhëtari me peshë të tepërt
Para avionit që niset pas pak
I ngarkuar rëndshëm ende
Do t'afrohem tek varri humbak.
Nga supet si ta heq këtë barrë?
Ku ta hedh këte peshë, si?
Me të s'mund të zbres atje poshtë
Por as lart dot s'e lë kurrsesi.
I menduar gjer në çast të fundit
Nga mosthënia, nga pengu tragjik,
Një shenjë ndoshta të pakuptueshme
Do t'ju bëj të gjithëve e do ik.


Ismail Kadare

Të fundit