Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Vdekja e turistëve rus/ Zbardhet biseda e fundit me recepsionisten, punonjësi i hotelit: Hodha 1 gotë klor në 60 ton ujë

Politiko 21 Tetor 2021, 19:20

Vdekja e turistëve rus/ Zbardhet biseda e fundit me recepsionisten,

Vdekja e 4 turistëve rus Sergey Burenkov, Natalya Burenkova, Ekaterina dhe Burenkova Nikita Belousov, mbetet ende e paqartë. Ndërsa hetimet për dosjen e e tyre vazhdojnë, janë zbardhur edhe dëshmitë e punonjësve dhe menaxheres së hotelit ku turistët u gjetën të vdekur.

Mirëmbajtësi i hotelit, N.H ka dhënë dëshminë e tij lidhur me ngjarjen e datës 15 tetor. Punëtori është shprehur se nuk përdor asnjë solucion tjetër veç klorit për pastrimin e ujit të pishinës. Punëtori dëshmon se ditën e ngjarjes ka hedhur në pishinën me 60 ton ujë vetëm një gotë me klor.

" Unë nuk kam profesion, jam punëtor.Punën për pastrimin e pishinës ma ka mësuar puntori që ishte para meje dhe siç më ka rekomanduar ai unë kam vepruar për pastrimin dhe mirëmbajtjen e pishinës.
Pastrimin e bëj me pompë dhe me fshesë duke hequr pisllëqet në pishinë. Pasi mbaroj pastrimin unë i bëj lavazh filtrave të pishinës. Ndez pompat dhe i hedh një gotë uji me klor tek kanali i shkarkimit të pishinës. Pishina ka kapacitet 60 ton ujë. Më datë 15.10.2021 unë si çdo ditë kam bërë pastrimin e pishinës tek SPA. Pastrimin e kam bërë rreth orës 08:00 apo ora 08:30 dhe tek kanali kullues kam hedhur një gotë uji me klor dhe pastaj jam marrë me punë të tjera në hotel. Përveç klorit nuk hedh asgjë tjetër. Me datë 15.10.2021 unë jam larguar nga puna në orën 16:00," dëshmon mirëmbajtësi i hotelit.

Menaxherja e hotelit Xhudiljana Pole dëshmon se turistët rusë kanë prenotuar për një javë qëndrim në hotël dhe se pjesën më të madhe të kohës e kalonin jashtë tij. Pole shprehet se pasi ka marrë rezervimin e tyre për të përdorur SPA-në e hotelit, ka shkuar për të kontrolluar ambientet nëse gjithçka ishte gati për turistët. Sipas kontrolleve të kryera nga ana e saj, menaxherja dëshmon se gjithçka ka qenë brenda normave.

"Këta shtetas kanë prenotuar për qëndrim një javor në hotel Gloria. Këta turistë rus më të shumtën e kohës e kalonin jashtë hotelit, duke udhëtuar pasi kishin marrë një automjet me qira mesa di unë. Keta klientë një ditë më parë, në datë 14 tetor 2021 kanë rezervuar në recepsion për ditën e nesërme që të përdornin ambjentet e SPA-së më datë 15 tetor. Rreth orës 15.00 vajza e recepsionit ka njoftuar pasi këta klientë kishin njoftuar dhe nëse SPA ishte gati me kushtet e duhura. Unë rreth orës 16.30 kam qenë e shoqëruar nga përgjegjësi i sallës dhe kemi bërë një kontroll të ambjenteve të pishinës ku kemi kontrolluar temperaturën e ambjentit e cila ishte 28 gradë bazuar në pajisjet treguese të kondicionerëve, higjenën dhe temperaturën e ujit të pishinës të cilët e kam prekur me duar dhe më është duhur mesatarisht i ngrohtë. Po ashtu kam kontrolluar nga jashtë se sa gradë ishte uji i ngrohtë i pishinës ku cdo gjë ishte sipas kushteve dhe parametrave dhe tregonte sipas aparaturës 27 gradë. Dua të them se bazuar në gjërat që kontrollova në SPA cdo gjë ishte brenda normave," shprehet menaxherja e hotelit.

Recepsionistja e hotelit H.K shprehet se turistët në hyrje të SPA-së dukeshin të lodhur. Nga dëshmia e saj, konstatohet se recepsionistja iu kishte ofruar ndihmë nëse iu nevojitej diçka, por turistët kishin kërkuar të qëndronin në privatësi.

"Të enjten në mbrëmje kanë ardhur tek recepsioni dhe njëri nga këta fliste anglisht dhe më ka thënë se donin të përdornin ambjentet e SPA. Ambjenti i brendshëm pishina është ndezur rreth orës 16.00 po jo nga unë, ndërsa unë para orës 20.00 kam ndezur pjesën e xhakuzit ku është thjesht një buton që duhet rrotulluar. Këta persona pasi janë kthyer nga një udhëtim pas orës 20.00 kanë kaluar në recepsion dhe më informuan se do ti përdornin tani këto ambjente. Në dukje më ngjanë si të lodhur, mbase nga udhëtimi që ata kanë bërë. Kanë shkuar lart në dhomë dhe kanë zbritur vete. Mbase pas 10 minutash mesa më kujtohet kam shkuar tek ambjentet për kontroll dhe nëse i nevojitej dicka, i kam parë që po leheshin në pishinë dhe kur i pyeta se nevojitej ndonjë gjë më kanë thënë se duan privatësi. Jam ngjitur lart të recepsioni ku kam parë punët e tjera dhe rreth orës 21.45 kanë shkuar tek turistët rusë sëbashku me sanitaren Sara Deliu për tu thënë se për pak këto ambjente do të mbylleshin dhe kur kam shkuar atje kam parë se turistët ishin të shtrirë njëri të shezlong, njëri afër shezlongut dhe dy të tjerë në dysheme afër pishinës. Jam afruar, kam thirrur sanitaren, u kam folur anglisht, por nuk mora përgjigje. Jam trembur dhe i them sanitares që të lajmërojë stafin. Kanë ardhur edhe dy klientë dhe stafi i hotelit dhe pasi i kanë parë kanë lajmëruar ambulancën pasi mendonim mos u kishte rënë të fikët. Më pas ka ardhur ambulanca sebashku me mjekun dhe mësuam se katër turistët rusë kishin vdekur," dëshmon recepsionistja e hotelit.

Sipas saj, turistët atë ditë kishin udhëtuar drejt Maqedonisë. "Kanë porositur mëngjes për ta marrë me vete në orën 06.30 dhe me sa kuptova do të shkonin në Maqedoni," shprehet ajo.