Flash News

Helmimi masiv në kopshtin e Gramshit, Prokuroria e Elbasanit nis hetimet

Tentuan të vrisnin një 58-vjeçar me sëpatë në Fier, arrestohet babai, në kërkim djali

Shpërthim me lëndë plasëse në një lokal në Berat

Përfshihet nga flakët makina në ecje në aksin Fier-Lushnje

Shuhet në moshën 86-vjeçare regjisori i njohur Piro Milkani

E-TJERA

Vdes në punë 52-vjeçari në Tiranë, i ra bolieri në kokë

Politiko 25 Maj 2025, 12:13

Vdes në punë 52-vjeçari në Tiranë, i ra bolieri

Një ngjarje e rëndë është regjistruar këtë mesditë në kryeqytet, ku një 52-vjeçar ka humbur jetën tragjikisht gjatë punës. Viktima, me inicialet B. H., ishte duke punuar në banesën e një qytetari në rrugën “Myslym Shyri”, për çmontimin dhe heqjen e bolierit të ujit.

Sipas të dhënave zyrtare nga policia, gjatë procesit të çmontimit, bolieri është shkëputur papritur dhe ka goditur në kokë 52-vjeçarin, duke i shkaktuar dëmtime të rënda. Pavarësisht se ai u transportua me urgjencë në spital, nuk ka mundur të mbijetojë.

Policia dhe grupi hetimor kanë shkuar menjëherë në vendngjarje dhe kanë nisur veprimet për zbardhjen e rrethanave të plota. Nga ana e specialistëve të Komisariatit të Policisë Nr. 2 janë kryer veprimet e para procedurale, ndërsa materialet i kanë kaluar Prokurorisë për hetime të mëtejshme.

Ngjarja ka tronditur banorët e zonës, ndërsa pritet të përcaktohet nëse janë respektuar kushtet e sigurisë në punë.

Të fundit