Flash News

E-TJERA

Vëllai vrau vëllain, flet babai i 20-vjeçarit shqiptar: Po luante, ndodhi aksidentalisht

Vëllai vrau vëllain, flet babai i 20-vjeçarit shqiptar: Po

Enriko Aliaj u vra aksidentalisht me plumb në kokë nga vëllai i tij më i vogël. Ngjarja tronditi familjen Aliaj në Itali.

Për herë të parë ka folur babai i Enrikos, Shpend Aliaj. Ai ka thënë se në momentin kur ndodhi ngjarja e rëndë, Enriko ka qenë në banesë me vëllain e tij dhe një mik. Shpendi thotë se ngjarja ka qenë aksidentale.

Sipas babait të viktimës, djali i tij i dytë dhe vëllai i Enrikos ka qenë duke luajtur me armë në momentin që është shkrepur mbi 20-vjeçarin duke i marrë jetën.

“Nuk e di saktësisht se çfarë ka ndodhur me djalin tim, mund të them vetëm se djali tjetër po luante me atë armë dhe u qëllua aksidentalisht”, tregon Shpend Aliaj.

I ati i Enrikos shton se në momentin kur ndodhi tragjedia, nuk ishte në shtëpi dhe nuk kishte dijeni për armën.

“Kur ndodhi tragjedia, nuk isha në shtëpi dhe nuk e di sesi ajo armë përfundoi në duart e djalit tim”, vijoi ai.

Ngjarja ndodhi më 3 qershor në provincën e Piacenzas. Vëllai 18-vjeçar qëlloi aksidentalisht Enrikon me armë zjarri duke e lënë të vdekur. Enriko jetonte me prindërit, vëllain e tij 18-vjeçar Elham dhe motrën e tij më të vogël.

Të fundit