Flash News
Shoferja humb kontrollin në aksin Devoll-Miras, dy të plagosur
SPAK sekuestron pasuritë e dy ortakëve të Evis Berberit
Goro në burg, Blerina Balaj komandohet kryetare e Bashkisë Himarë
Video/ Tensione në mbledhjen e Këshillit Bashkiak të Himarës, qytetari pështyn në fytyrë Vangjel Tavon
Olsi, ashtu si Edi, qenka burrë p….
Vendi nuk gjen qetësi, 15-vjeçari godet me thikë bashkëmoshatarin në Paskuqan
Shqipëria nuk po mundet të gjejë as qetësi dhe as siguri. Vrasje, plagosje, sherre kanë kapluar vendin kohët e fundit ku të përfshirë janë nga adoleshentët tek të rriturit.
Një ngjarje e rëndë është shënuar këtë të enjte në Paskuqan, ku dy nxënës janë konfliktuar me njëri-tjetrin. Ngjarja ka ndodhur në shkollën “Jashar Hoxha”.
Një 15 vjeçar ka goditur me mjet prerës një bashkëmoshatarin e tij ndërsa autori i ngjarjes është shoqëruar në polici.
“Më datë 30.03.2023, në Paskuqan, në shkollën “Jashar Hoxha”, janë konfliktuar dy nxënës shkolle, dhe gjatë konfliktit një 15-vjeçar, dyshohet se ka goditur me mjet prerës një bashkëmoshatarin e tij, i cili si pasojë është dëmtuar dhe ndodhet nën kujdesin e mjekëve.
Autori i dyshuar është shoqëruar në komisariat për veprime të mëtejshme. Grupi hetimor po punon për sqarimin e rrethanave të ngjarjes”, njoftoi policia.
Po ashtu ditën e sotme në Tepelenë ka ndodhur një plagosje e dyfishtë, ku pas një konflikti të çastit, një 42-vjeçar goditi me thikë bashkëshorten e tij dhe më pas ka tentuar t’i japë fund jetës.
Floreta dhe Lulëzim Nanaj është çifti i bashkëshortëve të cilët kanë përfunduar në spital, si rezultat i plagosjes.
Ndërkohë, për 40-vjeçaren mësohet se është dashur ndërhyrja e specializuar ndërsa një helikopter po e sjell në spitalin e Traumës.
Sikur të mos mjaftonin këto ngjarje, në spitalin e Gramshit, një pacient 65-vjeçar është hedhur nga kati i katërt i dhomës ku ishte shtruar. Ngjarja ndodhi rreth orës 07:20 të mëngjesit.
Hekuran Llapushi ka përfunduar në tarracën e katit të dytë, dhe për pasojë ka pësuar fraktura të shumta në trup dhe hemorragji, ndërsa është nisur drejt spitalit të Traumës, në gjendje të rëndë.
65-vjeçari ishte i shtruar ne repartin e patologjisë që prej katër ditësh.
“Rreth orës 07:20, dyshohet se për shkak të gjendjes së rënduar psikologjike, është vetëhedhur nga dritarja e spitalit të Gramshit, shtetasi H. Ll., 65 vjeç, i cili trajtohej në këtë spital, për disa diagnoza mjekësore (Astmë dhe Hipertension). Për shkak të demtimeve të marra, 65-vjeçari është dërguar në Spitalin e Traumës, Tiranë, ku po merr asistencë mjekësore. Grupi hetimor vijon punën për sqarimin e plotë të rrethanave të kësaj ngjarjeje”, njoftoi policia.