Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Verilindja dhe juglindja mbulohen nga dëbora/ Trashësia arrin deri në 30 cm, izolohen disa fshatra

Politiko 30 Nëntor 2021, 08:46

Verilindja dhe juglindja mbulohen nga dëbora/ Trashësia arrin deri

Vendi është përfshirë nga moti i keq prej disa ditësh. Në zonat malore reshjet kanë qenë në formën e dëborës. Verilindja është mbuluar nga dëbora që prej natës së kaluar, ku në Peshkopi bora ka shtruar deri në 15 cm lartësi.

I gjithë qarku i Dibrës është përfshirë nga reshjet e dëborës dhe në disa zona trashësia ka arritur deri në 30 cm. Kjo sjellë problematike në furnizimin me energji elektrike, pasi janë këputur telat dhe janë shembur shtyllat.

Disa fshatra janë në "terr" prej ditës së djeshme, ndërsa probleme janë krijuar dhe për qarkullimin e automjeteve. Rruga është bllokuar në Trebisht dhe disa fshatra të njësisë së Ostrenit. Fshati i Lurës është izoluar nga reshjet e mëdha të borës që kanë rënë gjatë ditë së djeshme

Për pastrimin e aksit kombëtar Peshkopi-Tiranë po punojnë pesë mjete borëpastruese dhe kalimi bëhet pa probleme. Edhe qarku i Lezhës është përfshirë nga reshjet e dëborës.

Në njësinë administrative Ungrej, trashësia ka arritur deri në 20 cm, por deri tani nuk raportohet për problematika në qarkullim apo për furnizimin me energji elektrike.

Edhe zonat e juglindjes janë zbardhur, ndërsa në fahstin turistik të Dardhës trashësia e borës ka shkuar deri në 30 cm. Rrugët janë të kalueshme, por është kërkuar të tregohet kujdes, sidomos në aksin rrugor Prrenjas-Qafë Thanë.

Të fundit