Flash News

Dyshohet se është vrarë, del foto e 23-vjeçarit që u gjet i vdekur në liqenin e Shkopetit

Aksioni në Theth, banori mes lotësh: Kam ndërtuar në tokën time me shpenzimet e jetës, shteti të mos i prishë

Drejtorët në shënjestër! Pas Fierit dhe Durrësit, Rama mbërrin në Elbasan

Emri/ Identifikohet 23-vjeçari që u gjet i pajetë pranë liqenit të Shkopetit

Aksioni i IKM-së në Theth, banorët dalin në protestë

E-TJERA

Vetting-u i politikanëve, ish-kreu i KQZ: Koha për reformë të thellë legjislative, jo për të arnuar Kushtetutën

Politiko 24 Tetor 2021, 21:00

Vetting-u i politikanëve, ish-kreu i KQZ: Koha për reformë

Partia Demokratike propozoi amendamentet ku kërkon që 140 deputetët e Parlamentit t’i nënshtrohen lupës së vetting-ut, proces ky që do të udhëhiqet nga SPAK-u.

Ish-kreu i KQZ-së Kristaq Kume i ftuar në studion e RTV Ora tha se propozimet e bëra nga demokratët prekin probleme me rëndësi, por theksoi se mënyra se si do të realizohet vetting-u, vendos në mëdyshje suksesin e tij.

“Midis 3 propozimeve të PD-së ka një propozim i  cili është zor të realizohet ashtu siç kërkohet; propozimi për vetingun e politikanëve. Edhe mënyra se si është kërkuar për t'u realizuar e bën shumë të diskutueshëm suksesin për t'u arritur pavarësisht nga dakordësia e shprehur në terma të përgjithshëm,” u shpreh Kume.

Ish-kreu i KQZ-së u shpreh ndërhyrja që do të bëhet në Kushtetutë me propozimin e PD-së, sipas tij, ngjan të jetë e njëjtë me atë që është bërë shumë vite më parë. Kume shton se ndërhyrje të tilla, kanë rezultuar të afrohen më shumë me interesin e politikës se sa të qytetarëve.

“Vazhdohet të kërkohet ndërhyrja në Kushtetutë në të njëjtën mënyrë sipas të njëjtave objektiva me ato ndërhyrje që janë bërë më parë në Kushtetutë. Janë diku te 10-11 ndërhyrje që janë bërë në Kushtetutë që nga koha e krijimit dhe për pasojë efektet e ndërhyrjeve në Kushtetutë kanë qenë jo ato të dëshiruara nga qytetari, po ato të kërkuara për t'u realizuar nga politika. Ndryshimet e bëra në 2008 krijuan  probleme shumë të mëdha në qeverisjen e vendin. E njëjta ndjesi që ka shoqëruar ndryshimet e bëra nga politika, tek unë mbetet po e njëjta gjë, rregullimi i legjislacionit në interesin politik të tyre,” tha më tej ish-kreu i KQZ-së.

Kume shton se tani është koha e duhur për të bërë ndryshime të thella legjislative, por jo duke arnuar Kushtetutën e vendit.

“Ne jemi në kushtet kur është kërkuar dhe kërkohet si rezultat i zhvillimit gjatë këtyre 30 viteve ka nevojë për një reformë të thellë legjislative. Unë mendoj se është tamam koha të fillohet një proces i thellë reformues legjislativ i cili nuk mund të bëhet edhe kështu siç janë kërkuar këto ndryshime kushtetuese si rezultat i vendimmarrjes së dy partive politike, duhet të jetë një proces gjithëpërfshirës,” tha Kume.

Të fundit