Flash News
Grupi parlamentar i PD dorëzon në Kuvend propozimin: Pensioni të rritet në 300 euro
Vendimi për çështjen e vulës, Bardhi: Gjykata e Lartë t’i japë fund absurdit, PD i përket anëtarëve të saj
Nasip Naço del nga SPAK: U pyeta për çështjen ÇEZ-DIA, kam folur me letra, jo me heshtje
Shtyhet sërish seanca për Berishën, shkak mungesa e prokurorëve
Investimi në Sazan/ Rama pyetet pse nuk shpall tender kombëtar: Do shqyrtojmë aplikimin
Video/ Dëshpërohet Dortmundi, Bayern Munich fiton titullin e Bundesligës në javën e fundit
Java e fundit e kampionatit gjerman ishte spektakolare, ku Bayern Munich dhe Dortmundi dublonin në distancë për titullin kampion. Mrekullia ishte në anën e Bayernit, të cilët arritën të fitojnë titullin e 33 të Bundesligës në historinë e klubit.
Bayern mundi 1-2 Koln në transfertë (Coman, Musiala / Ljubicic) dhe festa ishte e ligjshme pas barazimit 2-2 të Dortmund ndaj Mainz.
Skuadra e drejtuar nga Tomas Tuchel përmbyll në mënyrën më të mirë të mundshme sezonin, me 71 pikë dhe trofeun e Bundesligës në xhep.
Nga ana tjetër pati lot dhe dëshpërim tek Dortmundi, që do duhet të presë përsëri për t’iu rikthyer titullit. Sa i takon sfidës së barazuar 2-2 ndaj Mainz, takimi ishte mjaft emocionues.
Mysafirët gjetën golin në minutën e 15-të me Olsen. Skuadra vendase mund të vendoste ekuilibrat pas 4 minutash me Haller, por sulmuesi gaboi nga pika e bardhë e penalltisë. Të besuarit e Svensson dyfishuan shifrat me Onisi2o në minutën e 24-të, duke i dhënë një goditje të rëndë kundërshtarit.
Goli i shpresës për Reus me shokë erdhi në minutën e 70-të nga Guerreiro, por tepër vonë, pasi nuk mjaftoi as goli i Sule në fund. Pavarësisht se stadiumi “Signal Iduna Park” ishte i tejmbushur me tifozë, Dortmund zhgënjeu totalisht (vendi i dytë, 71 pikë) duke humbur mundësinë për të fituar titullin në javën e fundit.
REZULTATET:
RENDITJA: