Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

E-TJERA

Video/ "Godet" Lulzim Basha: Të rinjtë po largohen nga Shqipëria për të eksploruar Evropën

Politiko 29 Nëntor 2023, 11:20

Video/ "Godet" Lulzim Basha: Të rinjtë po largohen nga

Teksa qeveria i bën jehonë turizmit dhe të huajve që zgjedhin Shqipërinë për të pushuar, për emigrimin masiv si një plagë që spo shërohet, bën "një sy qorr e vesh shurdh".

Të rinjtë po zgjedhin gjithnjë e më shumë të marrin rrugët e emigrimit drejt Evropës e Anglisë, si një mënyrë për të ndërtuar të ardhmen jashtë atdheut.

Por, jo të gjithë e shohin një plagë për shoqërinë. Ka nga ata si Lulzim Basha që e vlerësojnë ikjen e të rinjve jashtë vendit, në Evropë, madje i nxisin ata. Nga Vlora ku u takua me disa të rinj, Lulzim Basha nuk harroi të bënte një deklaratë qesharake kur tha se të rinjtë po largohen nga Shqipëria pasi duan të eksplorojnë Evropën.

“Po i’a kaloj telefonin takimit më të bukur sot në Vlorën e Pavarësisë, shpresës së Shqipërisë, rinisë, rinisë vlonjate. Nuk duhet të trembemi, nga fakti që një pjesë e rinisë do të eksplorojë botën, do të eksplorojë Evropën. Ne për këtë ditë kemi luftuar. Puna është a i krijojmë dot kushtet pasi të kenë eksploruar, pasi të kenë marrë provojën e tyre, të punës apo arsimore, apo një kualifikim. Ta gjejnë prapë veten në Vlorë, në Shqipëri”, tha Basha.


Në fakt, shumica e të rinjve pohojnë se largimin e shohin si të vetmen mundësi për të ndërtuar një të ardhme për veten dhe familjen e jo siç thotë Basha, për eksplorim. Shumica e tyre zgjedhin të mos kthehen më në Shqipëri edhe pasi kanë përfunduar studimet jashtë apo kanë siguruar të ardhur ndoshta të mjaftueshme për të jetuar në Shqipëri.

Por, siç duket njësoj si Rama, edhe Basha nuk është i fokusuar te largimi i të rinjve. Në fakt ishte Basha ai i cili në spotin e zgjedhjeve të 25 prillit 2021, i bënte thirrje të rinjve të mos largoheshin nga vendi. Ndërsa sot u jep dorën për të shkuar ndoshta edhe më larg se Evropa.

Të fundit