Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

VIDEO/ Po filmonte një aksion antidroge, Policia shtrin në tokë gazetarin e “News24”

Politiko 27 Korrik 2021, 13:48

VIDEO/ Po filmonte një aksion antidroge, Policia shtrin në tokë

Efektivë të RENEA-s kanë shtrirë në tokë gazetarin e News 24, Ergys Gjençaj, teksa ky i fundit ishte duke filmuar një aksion antidroge të Policisë në Tiranë.

I ndodhur rastësisht në vendngjarje, Gjençaj ka dalë për të filmuar, në momentin kur një makinë është larguar me shpejtësi, duke marrë para efektivët, pasi nuk i është përgjigjur urdhrit për të ndaluar.

Por, efektivët e policisë kanë ndërhyrë menjëherë, duke shtrirë në tokë gazetarin, të cilin nuk e kanë lejuar të filmojë aksionin.

Në vendngjarje ndodhej dhe gazetarja tjetër e News 24, Klodiana Lala, e cila ka filmuar momentin kur kolegu i saj, ishte shtrirë barka përtokë nga efektivi i RENEA-s.

"Vetëm pak minuta më parë, grupi i xhirimit po udhëtonte në Varri i Bamti drejt televizionit, konstatuam se po ndalonin një automjet. Drejtuesi refuzoi të hapte derën, një moment shtypi gazin.

Në këto momente gazetari dhe kolegu jonë Gjençaj, janë bashkë me mua, kemi dalë jashtë makinës duke filmuar operacionin, dhe në mënyrë të paprecedentë dhe pa shpjegim morën dhe shtrinë gazetarin Gjençaj. Edhe pse kam insistuar se ishte në detyrë, sapo kishte dalë nga automjeti me logo i News24. Forcat Speciale që nuk identifikohen pasi ishin të maskuar nuk dhanë asnjë shpjegim, e mbajtën 1 orë pa lëvizur. Është filmuar në këto momente, është një video e shkurtër që kam filmuar, u shtri barkazi. Ndërhyu një efektiv për të larguar grupin e News24. News24 po filmonte nga afër operacionin. Gjençaj u la i lirë dhe është pranë meje. Pa llogari dhe shpjegim, e mbajtën për 1 orë të rrethuar. Ndodheshim bashkë në automjet por është i paqartë." - tha Klodiana Lala pas ngjarjes.

Të fundit