Flash News
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Video/ Si ndodhi tragjedia e Himarës? Dëshmitari rrëfen skenën e ngjarjes, manovrat që i morën jetën 7-vjeçares
Jonada Avdia, vajza 7-vjeçare, humbi jetën tragjikisht mesditën e 2 gushtit kur skafi i drejtuar nga Arjan Tase ish-efektivi i policisë, e përplasi teksa lahej në breg të detit. Ngjarja tragjike ndodhi në plazhin e Potamit në Himarë.
Një dokumentar i News 24, ka ndërtuar skenën e ngjarjes kur Tase përplasi për vdekje 7-vjeçaren. Nga skema e ndërtuar shihet se si skafi i Tases fillimisht i afrohet bregut të detit. Më pas Tase manovron duke kthyer skafin i cili godet fillimisht vogëlushen, lëvizja motorike godet sërish vajzën dhe skafi i Tases largohet.
Një dëshmitar okular i cili ndodhej ditën e ngjarjes në plazhin e Potamit, rrëfen për News 24 se si ndodhi ngjarja e rëndë. Dëshmitari tregon se skafi ishte afruar fillimisht në një zonë ku po laheshin shumë pushues. Aty ai mori disa njerëz duke kryer manovra të rrezikshme, për të cilat dëshmitari pohon se e kanë paralajmëruar disa herë.
Tase ka goditur fillimisht babain e vajzës. Pas kësaj lëvizje dëshmitari tregon se i kanë bërtitur skafistit, por sërish nuk iu është përgjigjur thirrjeve të tij. Herën e fundit para se të largohej, Tase i ka dhënë më shuë gaz motorit dhe aty pohon dëshmitari, te pjesa e helikave është parë shumë gjak.
Dëshmitari rrëfen momentin kur Jonada u nxor e pajetë nga deti, ndërsa tregon se Arjan Tase është treguar i ftohtë dhe me vetëdije tentoi të largohej nga vendi i ngjarjes.
Rrëfimi i dëshmitarit okular:
Një skaf u afrua në bregdet, ku aty po laheshin shumë pushues, skafi u ankorua në breg duke shpërfillur të gjithë pushuesit që ishin në breg dhe në det. Aty mori disa persona dhe më pas bëri një lëvizje shumë të shpejt, të beftë pas, pak metra, duke u munduar që helikat e skafit mos t’i takonin në gurë, dhe në atë moment pushuesit u alarmuan, shumë njerëz i bërtitën skafistit që të ndalonte, momenti i dytë ishte kur autori tentoi dhe e nxori skafin me një lëvizje shumë të fuqishme motorike paralel me bregun e detit, aty pamë shumë njerëz të cilët ishin në det, le të themi u ndikuan nga kjo lëvizje, u alarmuan edhe më shumë.
Pamë që babi i vajzës u godit nga skafi, ku shihnim kokën e tij që u fut poshtë skafit, edhe pse ne të gjithë si pushues bërtitëm, munduam ta ndalonim autorin, autori na shpërfilli të gjithë ne, nuk denjoi të na përgjigjej ose të bënte një veprim ku mund ta kishte parandaluar këtë tragjedi.
Autori me këtë dalje paralele me bregun, merr drejtimin e skafit për nga jugu, i dha më shumë gaz për t’u nisur nga bregu dhe në atë moment pamë tek pjesa e helikave të motorit shumë gjak…
Në atë moment u alarmuan të gjithë, i thamë, i bërtitëm autorit të ndalonte, ai tentoi të ikte edhe pasi e pa këtë skenë, me vetëdije të plotë, autori ishte i qetë, nuk pamë ndonjë ndryshim në sjelljen e tij, gjatë gjithë kohës ishte i vetëdijshëm dhe të gjithë ne shkuam të kapnim skafin dhe me duart tona e tërhoqëm atë në breg.
Në atë moment pamë dhe trupin e vajzës që e kishte nxjerr dikush, trupi i vajzës ishte i copëtuar nga helikat e skafit, dikush i hodhi peshqir sipër trupit të aj… ishte një situatë shumë shumë e rëndë”, tregon dëshmitari okular.