Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Video/ Skema 3D e vrasjes së Brilant Martinajt, autorët i zunë pritë viktimave

Politiko 29 Shtator 2022, 16:00

Video/ Skema 3D e vrasjes së Brilant Martinajt, autorët i zunë

Është ndërtuar skema 3D e vrasjes së Brilant Martinajt në rrethrrotullimin e Fushë-Krujës më 17 korrik të këtij viti. Nga atentati mbetën të vrarë edhe dy miqtë që ndodheshin në mjet me të, Diklen Vata dhe Besmir Hoxha.

Emisioni investigativ ‘Në shënjestër’ në News 24 ka sjellë skemën se si u ekzekutua Martinaj bashkë me dy shokët e tij. Në pamjet e ndërtuara duket se si autorët i zunë pritë mjetit ku ndodheshin viktimat dhe qëlluan mbi ta me 83 plumba. Pas ekzekutimit autorët i vunë flakën mjetit dhe u larguan nga vendi i ngjarjes.

Sipas skemës së ndërtuar, dyshohet se atentatorët i zunë pritë viktimave në hyrje të Urës së Fushë-Krujës pak pasi ata ishin ndarë nga Jeton Lami. Në momentin kur viktimat janë takuar me Jeton Lamin, makina e autorëve i ka pritur për rreth 55 minuta.

Grupi i autorëve ishin angazhuar atë ditë për të ndjekur dhe gjurmuar të gjitha lëvizjet e Martinajt dhe miqve të tij. Gjatë gjithë pritjes së tyre, ata kanë hapur vetëm një moment derën e automjetit ku qëndronin në pritje.

Në momentin që identifikojnë nga larg makinën e Brilant Martinajt, makina në pritje lëviz nga vendi ku qëndronte prej kohësh dhe i vihet në ndjekje, objektivit. Pas tyre, në të njëjtin moment, vihet në ndjekje një tjetër makinë, që duket sikur transporton autorët.

Makina e Martinajt shpërthen në flake dhe i vetmi që mundi t’i shpëtojë fillimisht plumbave është Diklen Vata, i cili në përpjekje për t’i shpëtuar autorëve del jashtë mjetit dhe ecën disa metra larg. Më pas atentatorët e ndjekin, i afrohen dhe e qëllojnë duke e lënë të vdekur.

Duke analizuar pamjet filmike, hetuesit arritën të verifikojnë se kujt i përkiste mjeti i dytë që ndiqte atentatorët. Sipas të dhënave, rezulton se mjeti ishte në pronësi të një emigranti që jetonte në Britaninë e Madhe, i cili u ndalua në avion në momentin kur po udhëtonte drejt Anglisë.

 

Të fundit