Video+Detaje/ Xhaxha e nip u qëlluan me automatik, si ndodhi krimi i dyfishtë në Roskovec

Detaje të reja janë mësuar në lidhje me ngjarjen e rëndë në Roskovec, ku u qëlluan dhe u vranë me armë zjarri Gramos e Lavdosh Kurti  nga Altin Kuka.

Shkaku, dyshohet se djali i autorit ka pasur një zënkë me dy viktimat.

Viktimat Gramos e Lavdosh Kurti u dërguan në spital, por nuk arritën që t’i mbijetojnë plagëve të marra.

Ngjarja ka ndodhur rreth orës 14:00, ndërsa autori është vetëdorëzuar dhe është shoqëruar në Komisariat.

Ndërsa uniformat blu kanë sekuestruar edhe armën me të cilën u qëlluan për vdekje dy vëllezërit.

Njoftimi i policisë

Roskovec/Informacion paraprak

Rreth orës 14:00, në fshatin Kurjan, Roskovec, në rrethana ende të paqarta, shtetasi A. K., 49 vjeç, dyshohet se ka vrarë me armë zjarri, shtetasit L. K. dhe G. K.

Shërbimet e Policisë po shoqërojnë në Komisariat, autorin e dyshuar të ngjarjes, shtetasin A. K.

Gjithashtu, shërbimet e Policisë kanë sekuestruar armën e dyshuar të krimit (armë zjarri automatike). 

Grupi hetimor po punon për sqarimin e plotë të rrethanave dhe dokumentimin ligjor të kësaj ngjarjeje.