Flash News

Kërkimet për 29-vjeçarin në Klos, Kosova vjen në ndihmë me një kontingjent kërkim-shpëtimi

Kulla e heshtjes, ndërtimi 16-katësh që sfidon ligjin dhe komunitetin në zemër të Tiranës

Aksident në aksin Elbasan-Peqin, plagosen tre efektivë policie

Kamioni përplaset me ambulancën, policia: Infermieri dhe babai i pacientit mes të plagosurve

Përplaset kamioni dhe ambulanca në aksin Fier-Lushnjë, katër të plagosur

E-TJERA

VISTAZO artikull për bandat shqiptare në Ekuador: Veprojnë nën maskën e sipërmarrësve, kontrollojnë çdo aktivitet të paligjshëm

Politiko 1 Tetor 2022, 17:46

VISTAZO artikull për bandat shqiptare në Ekuador: Veprojnë

VISTAZO i ka kushtuar një artikull bandave që operojnë në Ekuador, përfshirë ato shqiptare. Aty thuhet se në 10 vitet e fundit, vendi është kthyer në një parajsë për bandat shqiptare, që zotërojnë jo vetëm trafikun e drogës, por edhe aktivitete të tjera të paligjshme.  Më tej shtohet se ato janë autorë të shpërthimeve të dhunës në Guayaquil.

“Ishte 15 shtator 2020. Pas pesë vitesh hetime në 10 vende, u zbulua një ‘tubacion kokaine’ midis Amerikës Latine dhe Evropës. Njëzet persona u arrestuan në Itali, Holandë, Gjermani, Greqi, Rumani, Hungari, Spanjë, Shqipëri dhe Dubai. Për Polizia di Stato të Italisë, e cila kreu hetimin me Prokurorinë e Firences ishte një operacion i paprecedentë, sipas agjencisë policore të Bashkimit Evropian, Europol.

Ishte goditja më e madhe ndaj një strukture të drejtuar nga një organizatë kriminale me origjinë shqiptare. Fronti i organizatës ishte “Kompania Bello”. Ishte hera e parë që u konstatua se i gjithë zinxhiri i operacioneve të lidhura me transportin e drogës ishte në duart e së njëjtës strukturë. Shqiptarët i prenë ndërmjetësit. Janë sekuestruar katër ton kokainë dhe 5.5 milionë paund para. Mekanizmi për pastrimin e aseteve ishte kompleks. Ai konsistonte në përdorimin e një sistemi me origjinë kineze, i njohur si fei ch'ien, i cili nuk lë asnjë të dhënë, paralajmëroi Europol”, thuhet në artikull.

Më tej shtohet se “koka” e trafikut të kokainës ishte një shqiptar 40-vjeçar i arrestuar në Ekuador. Bëhet fjalë për Dritan Rexhepi, i cili është arrestuar në Quito në qershor të vitit 2014, pas një operacioni ku u sekuestruan 278 kilogramë kokainë.

Rexhepi po vuan dënimin me 13 vjet burg në qendrën e paraburgimit në Cotopaxi. Drejtësia e Shqipërisë dhe Italisë kërkuan ekstradim. Shqipëria e akuzon atë se ka urdhëruar rrëmbimin e një 49-vjeçari për larje hesapesh.

Praktika më e zakonshme e drejtuesve të organizatave kriminale është të veprojnë nën maskën e sipërmarrësve.

Të fundit