Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Viti i ri akademik, kushtet që duhet të përmbushin studentët për t’u ulur në auditor

Politiko 15 Tetor 2021, 10:43

Viti i ri akademik, kushtet që duhet të përmbushin studentët

Rektori i Universitetit të Tiranës Artan Hoxha ka njoftuar fillimin e vitit të ri akademik këtë të hënë më 18 tetor. Hoxha bëri me dije se të gjitha ciklet e studimit do të nisin më 18 tetor, përveç viti të parë master që nis me 10 nëntor.

Në një deklaratë, rektori i ka bërë thirrje studentëve të ndërgjegjësohen për të kryer vaksinën në mënyrë që procesi mësimor të zhvillohet normalisht në auditore. Sipas Hoxhës, një risi e këtij viti akademik është futja e jë pjese të programeve në gjuhën angleze, me qëllim përgatitjen e tyre në raste se zgjedhin të kryejnë studime apo specializime jashtë vendit.

“Çdo cikël studimi do të vijojë mësimin më 18 tetor, ndërsa masteri i vitit të parë, do të nisë më 10 nëntor. Universiteti i Tiranës është ai që ka numrin më të madh të studentëve. Ne jemi në procesin e ndërgjegjësimit të nevojës për vaksinim dhe për të vazhduar mësimin në kushtet normale. Ka 2 vite e ca që studentët tanë nuk frekuentojnë auditoret. Studentët që vijnë për herë të parë në universitet janë më të vaksinuarit. Kemi mundësinë duke iu rikthyer normalitetit. Do të shikojmë se si do të jetë situata më tej.

Ajo që kemi vendosur sot, është që ky vit akademik, një pjesë e mirë e programeve tona, për një pjesë të studentëve do të zhvillohet në gjuhë të huaj dhe ajo do të jetë anglisht, me qëllim që ne të kemi mundësi që një pjesë të studentëve të përgatisim me programet në gjuhë të huaj, që të kemi mundësi që modelitete të studentëve që kemi më tepër nga brenda jashtë, pra studentë që shkojnë jashtë, kështu do të kemi mundësi që studentë të huaj të ndjekin studimet te ne,” u shpreh Hoxha.

Sa i përket mësimit online si një alternativë në rast emergjence, Hoxha e vlerësoi si një proces që ka përparuar, por për të mësimi në auditor është i pazëvendësueshëm. Njëkohësisht, Hoxha theksoi se nuk do të lejohet asnëj student që nuk ka me vete testit PCR, certifikatëne vaksinimit ose rekomandimin e mjekut që nukmund ta marrë dozën e vaksinës.

“E para absolutisht mësimi online është përmirësuar, por ne kemi studentë që pas 2 vitesh nuk e njohin universitetin nga pikëpamja fizike, nuk kanë kontakte. E dyta ata që i kemi në master, një dhe dy vjeçar na përfundon një brez i tërë që nuk kanë kontakt me auditorin.

Mësimi në auditor nuk zëvendësohet. Përsa i përket alternativës, ju duhet të dini se ka dy urdhra, i pari që mund të alternohet mësimi online. Kurse po kjo pikë, e heq platformën si mundësi dhe thotë që studentët duhet të paraqesin certifikatën apo kartën e vaksinimit.

Do ta shikojmë procesin dhe do të marrim vendime në të mirë të mbarëvajtjes dhe të shëndetit të tyre, por edhe të mos lejimit që studentët të humbasin zhvillimin e programit të vitit akademik. Kjo do të vendoset pasi të shikojmë situatën me të cilën do të përballemi” deklaroi ai.