Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Viti i ri akademik on-line, rektori Artan Hoxha: Janë marrë të gjitha masat ndaj Covid-19

Politiko 1 Nëntor 2020, 10:19

Viti i ri akademik on-line, rektori Artan Hoxha: Janë marrë të

Në një video-mesazh të shpërndarë në rrjetet sociale, rektori i Universitetit të Tiranës, Artan Hoxha ka uruar studentët për fillimin e vitit të ri akademik dhe ka treguar se si do vijojë mësimi në ditët në vazhdim.  

Hoxha ka deklaruar se UT ka marrë të gjitha masat e nevojshme për të garantuar mbrojtjen e shëndetit të studentëve dhe stafit akademik.

Ndër të tjera ai ka thënë se edhe pse mësimi do fillojë të zhvillohet online, gjatë ditëve, studentët mund edhe t’i rikthehen mjediseve universitare.

“Viti akademik 2020-2021 është një fillim viti ndryshe, e ndikuar nga situata e përgjithshme e zhvillimit të pandemisë, për shkak të përhapjes së virusit Covid-19 dhe që na ka detyruar t’i përgjigjemi situatës, për të vazhduar proceset akademike, në kushtet e imponuara.

UT ka marrë masat e nevojshme për të garantuar mbrojtjen e shëndetit të studentëve, por edhe për stafet në universitet. Stafet kanë marrë përsipër që të zhvillojnë proces mësimor normal, pavarësisht të papritura që mund të sjellë kjo pandemi. Jam i bindur se edhe ky vit do të jetë i suksesshëm, falë punës së secilit koleg.

Të nderuar studentë, ju uroj shumë suksese, sidomos studentëve që hyjnë për herë të parë në ambientet e Universitetit të Tiranës. Bëj thirrje që të tregohet kujdes në zbatimin e rregullave për t’u mbrojtur nga ky virus. Janë marrë masa ndaj Covid-19, sipas protokolleve ndërkombëtare. Do të doja që mësimi të zhvillohej në ambientet tona, por se ky vit akademik nis online, por besojmë se do kthehemi së shpejti në mjediset universitare”, deklaroi ndër të tjera rektori Hoxha.

Të fundit