Flash News

Vodhën picerinë në Durrës, përfundon në pranga 24-vjeçari

Gjykata dënon me 5 vite burg kreun e Njësisë Administrative në Lezhë, për kultivim kanabisi

Posta e mëngjesit/ Me 2 rreshta: Çfarë pati rëndësi dje në Shqipëri

Tërmet në Shqipëri, ja ku ishte epiqendra

Aksident në autostradën Levan-Tepelenë, dy persona të plagosur

E-TJERA

Vizita e Cameron në Tiranë, ambasada britanike zbardh axhendën

Politiko 19 Maj 2024, 13:08

Vizita e Cameron në Tiranë, ambasada britanike zbardh axhendën

Ambasada Britanike në Tiranë ka zbardhur axhendën e vizitës së sekretarit të Jashtëm amerikan, David Cameron këtë javë në Shqipëri.

Sipas reagimit të ambasadës, në fokus të bisedimeve do jetë emigracioni i paligjshëm, si dhe do të prezantojë një plan që lidhet me gjyqësorin, për të trajtuar korrupsionin dhe krimin e organizuar në Shqipëri.

“Si pjesë e lidershipit në rritje të Mbretërisë së Bashkuar për të gjetur zgjidhje për sfidën pan-evropiane, Sekretari i Jashtëm britanik do të udhëtojë në Shqipëri këtë javë për t'u takuar me Presidentin, Kryeministrin dhe Ministrin e Jashtëm shqiptar për të diskutuar mbi bashkëpunimin Shqipëri-Britani e Madhe, për kontrollin e emigracionit të paligjshëm në vijën e parë të frontit.

Sekretari i Jashtëm britanik do të nënvizojë suksesin e partneritetit tonë inovativ për t’i bërë ballë trafikantëve të qenieve njerëzore dhe emigracionit të paligjshëm si dhe ndikimin e investimeve britanike në parandalimin e emigracionit.

Sekretari i Jashtëm do të mbështetet në lidershipin e Mbretërisë së Bashkuar në trajtimin e krimit të organizuar duke njoftuar një program të ri që lidhet me gjyqësorin, për të trajtuar korrupsionin dhe krimin e organizuar në Shqipëri, si dhe ofrimin e ekspertizës së Mbretërisë së Bashkuar për Policinë Shqiptare, për axhendën e tyre të reformës”, njofton ambasada britanike.

Të fundit