Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Vjen në jetë një fëmijë i shëndetshëm te “Shefqet Ndroqi”, nëna e infektuar me Covid në luftë për jetën

Politiko 6 Shkurt 2021, 20:06
Vjen në jetë një fëmijë i shëndetshëm te
Foto ilustruese

Një lajm i mirë vjen nga spitali covid 2. Një nënë e infektuar me koronavirus ka sjellë në jetë fëmijën e saj, i cili është djalë dhe gëzon shëndet të plotë.

Lajmin e bëri me dije mjekja Alma Cani, e cila tha për ‘Report Tv’ se ka ardhur në jetë një fëmijë, një djalë, që momentalisht gëzon shëndet të plotë, nga një nënë e infektuar me Covid-19 dhe është në gjendje të rëndë.

Cani tha se nëna shtatzënë shkoi në spital me probleme pneumonie për shkak të Covid-19 dhe komplikacionet si pasojë e virusit ka sjellë një lindje të detyrueshme. Mjekja Cani tha se nëna aktualisht është në parametra të qëndrueshme në oksigjen, ndërsa fëmija është dërguar në maternitetin "Koço Gliozheni" dhe ndodhet në gjendje të mirë shëndetësore.

"Para 4 ditësh është shtruar në spital, është rëndë dhe vjen me pneumoni nga COVID. Ditën e djeshme nga problematika dhe komplikacionet ka pësuar arrest kardio-respirator ku u fut në frymëmarrje artificiale dhe në një kohë rekord brenda 45 minutash u realizua provokimi i lindjes pasi gjendja që vjen si pasojë e Covid çon në rrezikun e situatës duke sjellë dhe humbjen e  bebit.

Në këto kushte në bashkëpunim me kolegët e maternitetit "Koço Gliozheni" u realizua për 45 minuta asistenca në sallat tona të operacioni ku u bë lindja e bebit, një djalë, fatmirësisht çdo gjë shkoi më së mirë. Fëmija është transferuar në maternitet ku aty është dhe asistenca për bebet. Fëmija është mirë dhe nëna ruan mirë parametrat jetësor, ne po vazhdojmë ta mbajmë nën monitorim gjendjen e saj", tha mjekja Cani.

Ditën e sotme një 28 vjeçare që kishte sjellë në jetë pak ditë më parë fëmijën e saj të tretë humbi jetën te spitali “Shefqet Ndroqi”.

 

Të fundit