Flash News

Tensionet në takimin Trump-Zelensky, zbardhen bisedat: Ti thua se nuk dëshiron armëpushim

Trump akuza Zelensky: Po luani bixhoz me Luftën e Tretë Botërore

Dyshohet se u vra me thikë nga partneri në Tiranë, publikohet FOTO e 24-vjeçares nga Palestina

Inceneratori i Tiranës, SPAK kërkon dënimin me 5 vite burg të Alqi Bllakos

Protestuesit hedhin molotov drejt Kuvendit, zjarr dhe gaz lotsjellës gjatë protestave në Greqi

E-TJERA

VKM-ja lë pa transport 5 nxënës që ecin në shi e në të ftohtë për në shkollë

Politiko 27 Shkurt 2025, 21:16

VKM-ja lë pa transport 5 nxënës që ecin në shi e

Në emisionin e ‘Fiks Fare” solli mbrëmjen e sotme rastin e Nikoleta Gila, ajo është nëna e Elvisit 4-vjeçar i cili ecën në këmbë çdo ditë për të shkuar në parashkollor bashkë me fëmijët e tjerë të fshatit Malecaj, Torovic, Lezhë.

Në këtë fshat janë 5 fëmijë te cilët ikin në shkollën 9-vjeçare ‘Mark Doshi’ në këmbë, shkollë e cila ndodhet 2 km larg nga banesat e këtyre fëmijëve të vegjël. Sipas drejtorisë së shkollës dhe ZVA-së fshati i tyre është 1700 metra larg nga shkolla dhe jo 2 km sa e parashikon VKM-ja, ndaj nuk u rimbursohet pagesa e biletës.

Nikoleta tregon para kamerës së Fiks Fare sesi djali i saj dhe fëmijët e tjerë të zonës shkojnë në shkollë dhe sa e vështirë është për të që të shoqërojë djalin e saj 4 vjeçar çdo ditë.

Ajo thotë se kanë kërkuar disa herë për transport në bashki për fëmijët si banorë të zonës, por nuk është mundësuar, sipas saj çdo fshat ka transport me autobus ndërsa këta janë të vetmit që nuk kanë. Ajo thotë se në Shtator djali i saj i vogël do të hyjë në klasën e parë dhe kërkon që të jepet një zgjidhje.

“Nuk mundemi dot kështu koha e ftohtë dhe e lagësht, fëmijët na sëmurën duke ecur në këmbë. Shpresat i kemi vetëm tek ju”, shprehet Nikoleta. Gjithashtu dhe një banor tjetër i cili është gjyshi i tre fëmijëve të tjerë thotë se është i domosdoshëm transporti për fëmijët, sepse nuk kanë mundësi t’i shoqërojnë.

“Unë kam makinën dhe kur kam mundësi i çojmë, por kjo është e përditshme prindërit duhet edhe të punojnë”, shprehet ai duke vënë theksin tek domosdoshmëria e transportit për këta fëmijë.

Gazetarja e Fiks Fare shoqëron Elvisin e vogël së bashku me nënën e tij për të përshkuar distancën që nga shtëpia në drejtim të shkollës. Gjatë ecjes së tij duket që Elvisi 4-vjeçar lodhet dhe hera herës nëna e tij e mban në krahë.

Koha që u desh për të mbërritur në shkollë ishte mbi 40 minuta. Një kohë relativisht e madhe për një fëmijë 4-vjeçar, por edhe për pesë të tjerët nga të cilët i madhi frekuenton klasën e tretë.

Gazetarja e ‘Fiks Fare” u nis drejt shkollës tjetër 9 vjeçare në Torovic aty ku ndodhej drejtori i shkollave vartëse z.Kujtim Kolndreu i cili thotë se është në dijeni dhe ka shkuar tek banorët. Por me matjen që ai ka bërë nuk janë mbi 2 km distancë siç e parashikon VKM-ja, por janë 1700 metra. Drejtori shprehet se respekton vendimin e VKM dhe prandaj nuk iu është mundësuar transporti.

Por “Fiks Fare” tregon se sipas hartës në Google Map duket qartë se nga shtëpia e Elvisit deri tek shkolla distanca është 1.9 kilometra. Por VKM-ja nr 119 e 1 marsit të vitit 2023 ka lënë pa transport këta nxënës. Sipas pikës B të kësaj VKM-je përfitojnë rimbursimin e shpenzimeve të transportit nxënësit që ndjekin procesin mësimor në Institucionet arsimore publike të arsimit bazë ose kopshtet publike, e që udhëtojnë mbi 2 km larg nga vendbanimi i tyre. Pra këta fëmijë humbin të drejtën e transportit vetëm për 100 metra. Top Channel