Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Vlora e Kukësi më problematiket”, Çako: Nuk rrezikohen qendrat e banuara, zjarret me tendencë kriminale

Politiko 10 Gusht 2021, 20:38
“Vlora e Kukësi më problematiket”, Çako: Nuk
Foto Ilustruese

Kreu i Emergjencave Civile, Haki Çako deklaroi se situata me flakët në Karaburun, Vlorë dhe Kukës vijon të jetë problematike, teksa po mbahet nën kontroll dhe nuk ka rrezik për jetën e qytetarëve apo banesave.

Në një lidhje telefonike për “Ditari” në A2 CNN, Çako tha se ndër vatrat më serioze mbetet Maja e Runës në Kukës dhe në Mal të Zi, duke theksuar se operacioni do të vijojë deri në eliminimin e  vatrave.

“Vijon  operacioni me helikopterin holandez dhe Forcat e Armatosura në terren, shpresojmë ta finalizojmë sa më shpejt. Janë dy qarqe me probleme serioze, Vlora dhe Kukësi në Majën e Rrunës dhe në zonën e Malit të Zi. Ka forca të shumta zjarrfikëse dhe vijon puna. Situata është nën kontroll, nuk ka qytetarë apo qendra të banuara të rrezikuara. Operacioni do të vijojë  deri në eliminimin e vatrave”, u shpreh ai.

Sa i përket shkaktarëve të zjarrit, Çako tha se në pjesën dërrmuese janë tendenca kriminale dhe qëllime pastrimi e djegie kullotash. Ai theksoi se do të shihet mundësia për të sugjeruar sanksione të reja në ligjin shqiptar.

“Faktorët janë kompleksë, por ka tendenca të tjera kriminale dhe qëllime pastrimi e djegie të kullotave. Ka informacion që individë apo persona me dashje por i mbetet për hetim të mëtejshme organeve ligjzbatuese, se pjesë e këtyre zjarreve kanë qenë me tendenca kriminale, në distanca që nuk lidheshin e ato ku kemi operuar. Në këto kushte ne do të vlerësojmë çdo iniciativë ligjore për të sugjeruar sanksione në kod për zjarrvënie, se sjellin pasoja për ekonominë dhe fermerët shqiptarë. Në këto kushte do të merret në konsideratë sugjerimi për sanksione. Ne disponojmë informacione nga persona të caktuar për të zbardhur iniciativën dhe skemën për grupin e strukturuar”, shtoi Çako.

 

Të fundit