Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Vodhën 7 mln euro me Call Center-a, dënohet organizatori dhe bashkëpunëtori

Politiko 8 Korrik 2024, 16:39

Vodhën 7 mln euro me Call Center-a, dënohet organizatori dhe

Gjykata e Posaçme kundër Korrupsionit dhe Krimit të Organizuar ka dhënë këtë të hënë vendimin për grupin e “Call Center-ave”, të cilët dyshohet se nëpërmjet një skeme mashtrimi shkaktuan rreth 7 milionë euro dëm tek qytetarët evropianë.

GJKKO ka dënuar organizatorin e kësaj skeme me 11 vite burgim, por për shkak të gjykimit të shkurtuar, dënimi i tij është ulur në 7 vite e 4 muaj burgim. Ndërkohë, bashkëpunëtori i tij, Xhulian Xhafa është dënuar me 10 vite burgim, por për shkak të gjykimit të shkurtuar, dënimi i tij është ulur në 6 vite e 8 muaj burgim.

Ata janë shpallur fajtor për kryerjen e veprave penale “Mashtrimi kompjuterik”, e kryer në bashkëpunim, në formën e grupit të strukturuar kriminal, si dhe “Grupi i strukturuar kriminal”.

Gjykata ka vendosur të shpallë të pafajshëm të gjithë operatorët e “Call Center-it”, Anduel Gjergji, Ariol Zenuni, Denada Bardhi, Emion Orizaj, Ermir Shehu, Eris Kurila, Evis Mahmutaj, Ilir Shkurti, Indrit Tila, Klevin Molla dhe Skerdi Llupi.

Vendimi është marrë nga trupa gjykuese e përbërë nga gjyqtarët Rudina Palloj Erjon Bani dhe Erjon Çela.

Nga hetimet e procedimit penal të vitit 2021 ka rezultuar se shtetas gjermanë, francezë, italianë, spanjollë dhe grekë ftoheshin nga agjentët e subjektit Bluenergycall sh.p.k., shoqëri me lidhje me Kasmin dhe Xhafën, që të investonin në bursa ndërkombëtare, duke bërë depozitimin e parave sipas udhëzimeve të agjentëve, në platformat mashtruese. Këto depozita nga viktimat bëheshin në llogari të cilat kanë rezultuar se gjenden në banka të vendeve të ndryshme si në Bullgari, Lituani, Poloni, Qipro, ku më pas zhdukeshin nëpërmjet transfertave të njëpasnjëshme ose konvertimit në kriptovalutë. Sipas prokurorisë, është provuar se një pjesë e parave të depozitave të viktimave kanë përfunduar në llogaritë e të pandehurve në Shqipëri. SPAK konstaton dëme financiare në dëm të qytetarëve evropianë në vlerën rreth 7 milionë euro.

Në zyrat e kompanive Bluenergycall shpk, Cleartech shpk dhe Claudnetshpk, që rezultojnë të lidhura me të pandehruit Erjon Kasmi dhe Xhulian Xhafa, janë gjetur dokumente shkresore personale të Kasmit dhe të aktivitetit të tij në këto shoqëri, si dhe për kompani të tjera në Kosovë dhe Shqipëri. Po ashtu, janë gjetur dokumente të shkruara me dorë me shënime të platformave Globalix, Brokerz, Tradixa, Finazio, regjistrime të bëra nga viktimat, si dhe vula për kompani të ndryshme. Nga të dhënat e analizuara nga autoritetet gjyqësore gjermane që kanë hetuar këtë skeme mashtrimi, ka rezultuar se janë gjendur lista të mbajtura nga drejtuesit dhe punonjësit e Bluenergycall shpk, ku janë evidentuar depozitat e kryera nga viktimat nga vende të ndryshme.