Flash News

SHBA tërhiqet nga negociatat e paqes midis Ukrainës dhe Rusisë

Shprehja e zv/Presidentit Vance shpërndarë nga Ambasada Amerikane: Ku e tha, në ç’kontekst, dhe si lidhet me Shqipërinë

Foto/ Gjysmë i zhveshur dhe i gjakosur, momenti kur shoqërohet autori i vrasjes në Shkodër

Vrasje në Shkodër, turisti vret me thikë gruan, qëllon edhe veten

Zgjedhjet e 11 majit/ Ambasadori i BE takim me Celibashin

E-TJERA

Vota e emigrantëve, Celibashi: 30 ditë nuk mjaftojnë për postën, duhen para!

Politiko 29 Nëntor 2024, 22:55

Vota e emigrantëve, Celibashi: 30 ditë nuk mjaftojnë për

Emigrantët do të votojnë në vendin ku jetojnë dhe vota e tyre do të numërohet, garanton komisioneri shtetëror për zgjedhjet Ilirjan Celibashi.  

“Për zgjedhjet e vitit 2025, të gjithë votuesit shqiptarë që banojnë jashtë Shqipërisë do të kenë mundësi ta ushtrojnë të drejtën e tyre të votës atje ku ata kanë vendqëndrimin,” tha Ilirjan Celibashi në një intervistë në emisionin “Pa censurë” . Megjithatë procesi nuk po kalon pa vështirësi dhe sfida kryesore me të cilën po përballët KQZ është koha.

“Koha që kemi në dispozicion është e kufizuar. Nëse për një aspekt të procesit brenda vendit, e kemi komoditetin ta bëjmë nesër apo pasnesër, për këtë proces, një punë që duhet ta bësh sot, duhet ta kishe bërë dje. Koha sjell vështirësi në finalizimin e Platformës së Rregjistrimit të Votuesve nga jashtë. Në rast se data e zgjedhjeve vendoset në 4 ose 11 maj, do të duhet që KQZ të ketë gati këtë platformën në 1 janar,“ u shpreh komisioneri Celibashi, i cili ka përpara edhe një sfidë tjetër të rëndësishme.

Ai duhet të zgjidhë çështjen e kohës së transportit të fletës së votimit. Sipas ligjit shqiptar, me finalizimin e kandidatëve për deputetë, nuk mbetet më shumë se 30 ditë kohë në dispozicion, ndërkohë që procesi normal për dërgimin dhe kthimin e fletës së votimit kërkon 40-60 ditë kohë. Në këto rrethana, zgjidhja më e shkurtër janë paratë.

“Jemi duke diskutuar me qeverinë shqiptare dhe operatorët përkatës që ndoshta të gjejmë një mënyrë tjetër, por mënyra tjetër do të thotë të paguash më shumë para për të paguar një postë më të shpejtë, që koha e dërgimit dhe e kthimit mbrapsht të fletës të mos shkojë përtej 30 ditëve. Kjo është sfida më e rëndësishme,” u shpreh Celibashi.

Por ka dhe një rrugë tjetër pa shpenzime plus, ndryshimi i Kodit Zgjedhor sipas tij.

“Nuk e kemi kërkuar dhe e kemi lënë në vlërësimin e tyre, por jo për të thënë se ua kemi ngecur partive politike dhe Kuvendit. Mundësitë që po eksplorojmë janë ose do të paguajmë më shumë para dhe nuk do të ndryshojmë Kodin, ose do të duhet ndryshojmë Kodin dhe të kursejmë disa buxhete. Ne kemi prezantuar faktet tek të gjithë aktorët dhe të gjithë e kanë maturinë për t’i analizuar këto fakte,“ tha Celibashi.

 

 

Të fundit