Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Votimi i dyfishtë në Gjirokastër? Nënkryetarja e KQZ-së sqaron rastet: I përkasin operatorëve të pajisjes PEI

Politiko 19 Maj 2021, 10:12
Votimi i dyfishtë në Gjirokastër? Nënkryetarja e KQZ-së
Nënkryetarja e KQZ-së, Lealba Pelinku

Komisioni i Ankesave dhe Sanksioneve po shqyrton sot ankimimet e depozituara nga subjektet politike për Gjirokastrën pas shtyrjes së mbledhjes ditën e djeshme. Më pas do të shqyrtojë ankesat për Beratin dhe Vlorën.

Nënkryetarja e KQZ-së, Lealba Pelinku foli për pretendimet për votim të dyfishtë. Ajo tha se nga dy rastet e konstatuara në Gjirokastër, rezulton se kanë qenë operatorët që kanë vendosur gishtin në pajisjen e identifikimit elektronik, pasi ka patur raste të votuesve në moshë të madhe që nuk i është njohur shenja e gishtit.

Lidhur me këtë, Pelinku shtoi se është Prokuroria që duhet të hetojë. Ajo theksoi se çdo pajisje PEI ka pasur listën e zgjedhësve të asaj qendre votimi, por edhe punonjës të administratës zgjedhore mund ta ushtronin të drejtën e tyre në atë QV.

"Në dy rastet konkrete që na rezultojnë nga procesi i kryqëzimit të të dhënave, bëhet fjalë për persona që i përkasin administratës zgjedhore, ose komisioner ose operator. Nuk ishin pjesë e listës së zgjedhësve të qendrës së votimit ku ishin.

Çdo pajisje ka pasur listën e zgjedhësve të asaj qendre votimi. Pajisja ka pasur mundësinë që këta persona të administratës zgjedhore të mund të ushtronin të drejtën e tyre në atë qendër votimi. Pasi e kanë ushtruar, identifikuar në atë qendër votimi, janë paraqitur aty ku janë regjistruar.

Këtë arrimë të supozojmë. Ka pasur raste kryesisht kur votuesit kryesisht në moshë të madhe nuk i është njohur shenja e gishtit dhe e ka vendosur operatori. Do t'i takojë prokurorisë që të sqarojë se çfarë ka ndodhur", tha ndër të tjera Pelinku.

Të fundit