Flash News

Shuhet në moshën 93-vjeçare ikona e kinematografisë shqiptare, Margarita Xhepa

Posta e mëngjesit/ Me 2 rreshta: Çfarë pati rëndësi dje në Shqipëri

Skandali/ Vidhen 3 dosje të SPAK, kush janë tre prokurorët të cilëve iu morën të dhënat

Vrasja e 22-vjeçares shqiptare në Romë, babai i viktimës: Takova të dashurin, më përqafoi!

KLGJ ‘ndëshkon’ me masa disiplinore dy gjyqtare

E-TJERA

Vranë babanë, tre fëmijët dalin sot para Gjykatës së Durrësit

Politiko 26 Shkurt 2024, 08:52

Vranë babanë, tre fëmijët dalin sot para Gjykatës

Hygerta Meta, Hysen Meta dhe Amarildo Meta do të dalin sot para Gjykatës së Durrësit për t'u njohur me masën e sigurisë, pasi akuzohen për vrasjen e babait të tyre Pëllumb Meta.

Ngjarja u zbulua më 23 shkurt pas një denoncimi që djali i madh i familjes, Hyseni, kishte bërë për zhdukjen e të atit. Detajet e rënda dolën pasi policia gjatë kontrollit në banesën e tyre gjeti të groposur trupin e pajetë të 49-vjeçarit. 

Hygerta Meta, vajza 19-vjeçare, pranoi se e kishte vrarë babanë dhe më pas e kishte varrosur në kasollen e lopës. Shkak, sipas Hygertës, ishte bërë këmbëngulja e të atit që vajza të linte shkollën dhe të fejohej.

Më vonë, Hysen Meta pranoi autorësinë e vrasjes dhe bashkëpunimin me motrën dhe vëllain tjetër. AI tha se e kishte qëlluar të atin me armën e tij 4 herë dhe më pas Hygerta kishte mbështjellë trupin e të atit me qese. Dy vëllezërit hapën gropë ku do të varrosej babai.

Nëna e tyre e mësoi ngjarjen e rëndë kur mbërriti në banesë dhe pas se e bija po pastronte divanin ku Pëllumbi po qëndronte kur u vra nga i biri. Hyseni ka pohuar se nëna i ka ndihmuar të pastrojnë vendin,

Familja e cila pretendohet se do të lidhte krushqi me Metën e ka mohuar një fakt të tillë. Ata kanë thënë se Pëllumni nuk kishte qenë dakord që Hygerta të fejohej, pasi donte që ta shkollonte.

Të fundit