Vrasja e 15-vjeçarit në Gramsh/ Shkolla ‘Asllan Shahini’: Fatjoni u përpoq të shuante sherrin

Shkolla “Asllan Shahini”, në Gramsh ku ditën e djeshme u u vra një nxënës dhe u plagos një tjetër ka bërë një reagim zyrtar në Facebook.

Në reagimin e shkollës shkruhet se janë thellësisht të tronditur nga ngjarja ku nxënësi i klasës së 9, Fation Bici ndërroi jetë pas sherrit me bashkëmoshatarët.

REAGIMI

Jemi thellësisht të tronditur,nga ngjarja e rendë që ndodhi sot në qytetin tonë,në të cilën humbi jetën Fationi,nxënës në klasën e IX.

Fationi mbaroi mësimin,si çdo ditë tjetër,u interesua duke pyetur rojen e shkollës, se a ishte larguar nga shkolla motra e tij më e vogël,nxënëse në klasën e IV,e pasi u sigurua se ajo ishte larguar,u nis për në shtëpi.

Në mes të lagjes,në mes të ditës,moshatarë të tij,nxënës edhe këta nga shkolla e fshatit Drize,konfliktuohen për biseda banale në rrjetet sociale,dhe konflikti kthehet në tragjedi...

Fationi u ndodh rastesisht aty, duke mos qënë ai pjesë e konfliktit në rrjetet sociale,por një i afërmi i tij.Ai u përpoq t'i ndante në grindje e sipër,por përfundoi viktima e këtij sherri banal.

Fationi u nis sot drejt Parajsës...Do na mungosh të gjithëve,Fation i dashur! Të qoftë dheu i lehte,o engjëll!

Si ndodhi ngjarja?

Fatjon Bici, vetëm 15-vjeç ndërroi jetë një ditë më parë në Gramsh. Disa adoleshentë u përfshirë në një sherr me thika me njëri-tjetrin ku për pasojë vdiq Fajton Bicin, i cili hyri për t’i ndarë por në fakt gjeti vdekjen. Së bashku me të ishte edhe kushëriri i tij, (M.L.,) i cili është plagosur dhe është transportuar në Tiranë.

Ngjarja ndodhi rreth orës 13:30 në lagjen “Sport 2” në Gramsh ku Bici ndërhyri në sherrin e 4 adoleshentëve të tjerë,  por konflikti i tyre i mori jetën. Ai u transportua menjëherë drejt spitalit por nuk arriti t’u shpëtojë plagëve të marra.

Konflikti ka filluar rreth disa ditë më parë tek një kënd lojërash në Gramsh për shkak dyshohet rrjetet sociale por nuk është mbyllur konflikti ku sot dy kushërinjve i kanë dal përsëri në sulm 4 personat e tjerë.