Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Vrasja e 29-vjeçarit në Tiranë, autori punonjës policie; çfarë iu gjet viktimës

Politiko 14 Dhjetor 2021, 12:22

Vrasja e 29-vjeçarit në Tiranë, autori punonjës policie;

Autori i dyshuar i vrasjes së 29-vjeçarit Jurgen Duka është punonjës policie në Dibër. Ai është identifikuar si Arbër Sula rreth 12 orë pas kryerjes së krimit.

Ngjarja ndodhi në një market në rrugën “Irfan Tomini”, ku konflikti nisi për radhën te kasa. Policia bën me dije se viktimës i është gjetur 2.8 gramë lëndë narkotike e dyshuar kokainë.

Duka ka qenë i arrestuar një vit më parë për trafik droge. Gjithashtu dyshohet se ka qenë i dehur në momentin kur nisi konflikti me punonjësin e policisë.

Uniformat blu po punojnë për kapjen e autorit, i cili dyshohet se është larguar me makinë pas krimit të kryer. Kujtojmë që Duka ndërroi jetë në spital si pasojë e plagëve të marra.

"Në vijim të veprimeve  të kryera nga grupi hetimor, pas këqyrjes së pamjeve filmike dhe verifikimeve të kryera, është  bërë i mundur identifikimi i autorit të dyshuar të vrasjes së shtetasit J. D. (M.), i cili është shtetasi A. S., banues në Sauk, punonjës policie në DVP Dibër.   

Po nga veprimet hetimore të kryera dhe deklarimet e marra nga personat që ishin prezent në vendngjarje ka rezultuar se ngjarja ka ndodhur pas një konflikti të çastit dhe autori i dyshuar nuk ka qenë në shërbim gjatë ngjarjes.

Gjithashtu, grupi hetimor gjatë kontrollit të rrobave të shtetasit J. D. (M.), ka gjetur dhe sekuestruar një sasi prej 2.8 gramë lëndë narkotike e dyshuar kokainë, ndërsa në vendin e ngjarjes janë sekuestruar një gëzhojë pistolete dhe një DVR me pamjet filmike të ngjarjes", thuhet në njoftimin e fundit të policisë lidhur me këtë ngjarje.

 

Të fundit