Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Vrasja e 67-vjeçarit në Kurbin, identifikohet autori, policia: Motive pronësie

Politiko 25 Shkurt 2025, 11:44

Vrasja e 67-vjeçarit në Kurbin, identifikohet autori, policia:

Policia ka zbardhur vrasjen e 67-vjeçarit Dod Mamli, i cili u qëllua me armë zjarri në fshatin Vilëz, Zhejë, Kurbin. Autori i dyshuar është identifikuar me inicialet D.T., ndërsa motivi i vrasjes dyshohet të jetë për arsye pronësie, dhe jo për hasmërie, siç u mendua në fillim.

Pas njoftimit për ngjarjen, policia ka ngritur një grup hetimor të posaçëm dhe ka marrë masa për kapjen e autorit, i cili ende nuk është arrestuar. Policia po kryen kontrolle në zonën e ngjarjes dhe po vijon hetimet për të dokumentuar plotësisht ngjarjen.

Njoftimi i Policisë:

Kurbin Falë veprimeve të shpejta profesionale dhe hetimore të kryera në vendngjarje, Policia identifikon dhe shpall në kërkim autorin e dyshuar të vrasjes me armë zjarri, të 67-vjeçarit, në fshatin Vilëz, Zhejë, Kurbin. Menjëherë pas njoftimit të marrë rreth orës 18:00 të datës 24.02.2025, se një shtetas ishte vrarë me armë zjarri në fshatin Vilëz, Zhejë, Kurbin, shërbimet e Policisë kanë shkuar në vendngjarje.

Për hetimin dhe zbardhjen e kësaj ngjarjeje u ngrit një grup i posaçëm hetimor dhe me specialistët e Drejtorisë së Krimeve të Rënda në Departamentin e Policisë Kriminale në Policinë e Shtetit. Në ndihmë të Policisë vendore shkuan katër grupe të Forcës Kombëtare të Sigurisë, Njësia Shkodër.

Falë veprimeve të shpejta hetimore, të kryera nga grupi hetimor, në bashkëpunim me Prokurorinë, u bë i mundur identifikimi i autorit të dyshuar shtetasit D. T., i cili dyshohet se për motive pronësie, ka vrarë me armë zjarri pistoletë, shtetasin D. M. Shërbimet operacionale dhe ato të Forcës Kombëtare të Sigurisë kanë vijuar përgjatë natës kontrollet për kapjen e autorit të dyshuar, por dhe si pasojë e errësirës nuk u bë e mundur gjetja e tij. Shërbimet e Policisë vijojnë kontrollet në të gjithë zonën dhe po kryhen veprime të tjera hetimore me qëllim lokalizimin, kapjen dhe arrestimin e autorit dhe dokumentimin e plotë ligjor të ngjarjes.

Të fundit