Flash News

U ekstradua nga Spanja, mbërrin në Rinas Lulzim Berisha

Tiranë/ Gjendet 'shtëpi bari' në Laknas, arrestohet punonjësi i OSHEE

A do të mbyllet lufta? Trump ngre shpresat me një armëpushim të plotë

Sonte pritet të ekstradohet në Tiranë ish-kreu i bandës së Durrësit, Lulzim Berisha

Lufta në Ukrainë/ Përfundon telefonata Trump-Putin, zgjati rreth 90 minuta

E-TJERA

Vrasja e Gentjan Bejtjas, prokuroria dërgon për gjykim Ilir Beqarajn

Politiko 18 Mars 2025, 10:23

Vrasja e Gentjan Bejtjas, prokuroria dërgon për gjykim Ilir Beqarajn

Prokuroria e Tiranës ka dërguar për gjykim Ilir Beqarajn, lidhur me vrasjen e Gentjan Bejtjas në Larushk.

Sipas prokurorisë, Beqaraj ka luajtur rolin e ndihmësit në vrasjen e Bejtjas duke bërë të mundur largimin e autorëve të vrasjes nga vendi i ngjarjes.

Beqaraj në kohë të ndryshme me mjetin e tij ka qenë në afërsi të banesës së Gentjan Bejtjas.

“Prokuroria pranë Gjykatës së Shkallës së Parë të Juridiksionit të Përgjithshëm Tiranë përfundoi hetimet dhe dërgon në gjyq shtetasin I.B. për veprën penale ‘Vrasje me paramendim’ të kryer në bashkëpunim, ‘Mbajtje pa leje dhe prodhim të armëve’ dhe ‘Falsifikim i letërnjoftimeve, pasaportave’ parashikuar nga nenet78/1 e 23, 278/4 e 289/1 të Kodit Penal.

Në kuadër të hetimeve për procedimin penal nr. 1944/2 të vitit 2024, për vrasjen e shtetasit G.B në fshatin Larush të Fushë Krujës, Prokuroria arriti të provojë se i pandehuri I.B. ka konsumuar veprën e mësipërme në rolin e ndihmësit.

Sipas prokurorisë ky shtetas me veprimet e tij aktive ka mundur të largojë autorët e vrasjes nga vendi i ngjarjes, duke i çuar ata në fshatin Hasan ku edhe kanë mundur të djegin makinën me të cilën kryen vrasjen, kjo e dokumentuar edhe nga pamjet filmike të administruara nga prokuroria. Teksa u provua se ky shtetas në kohë të ndryshme me mjetin e tij ka qenë në afërsi të banesës së viktimës.

Nga hetimet rezultoi se në automjetin e përdorur nga autorët për t’u larguar menjëherë pas djegjes së automjetit me të cilin u krye vrasja, është përfituar profil gjenetik i shtetasve, I.B. dhe F.P. të cilët dyshohet se kanë pasur rol në vrasjen e shtetasit G.B.

Hetimet vijojnë për persona të tjerë të përfshirë”, thuhet në njoftim.

Të fundit