Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Vrasja e ish policit në Laç, gazetarja: E shoqja ishte pranë tij kur u qëllua, me kë shoqërohej djali i viktimës

Politiko 1 Nëntor 2021, 22:05

Vrasja e ish policit në Laç, gazetarja: E shoqja ishte pranë

Gazetarja e Top Channel, Anila Hoxha ka zbardhur detaje të reja lidhur me vrasjen e ish policit Xhelal Reçi sot në Laç.

Në emisionin “Open”, Hoxha tha se në momentin e atentatit pranë viktimës ishte e shoqja, e cila po ndizte dritat e biznesit.

Po ashtu, gazetarja shtoi se prokuroria e ka përjashtuar pistën që vrasja të ketë ndodhur për shkak të detyrës që ka mbajtur si polic vite më parë Reçi. Ndërkaq, dy djemtë e viktimës dyshohet se kanë pasur problem me persona të njohur në zonë dhe kjo është pista kryesore ku po heton policia.

“Kjo është vrasja e 55-të që prej 1 janarit. Mes vrasjeve të mirëorganizuara dhe kryesisht për motive droge, është vrasja e 15-të e pazbardhur, e Xhelal Reçit që ka qenë efektiv i policisë rrugore. Prokuroria dhe policia lokale e përjashtoi mundësinë e një vrasje me detyrën që ka ushtruar. Siç thuhet, automjeti i vrasësve dyshohet se është vjedhur në fshatin Mbrostar të Fierit me targa greke. Një muaj më parë është denoncuar si i vjedhur. Vazhdon e njëjta skemë, vidhet automjeti dhe targa. Shpresa e grupit të hetimit është një kamerë sigurie mes bankës dhe objektit ku viktima ishte pranë biznesit të tij dhe bashkëshortja ishte ngjitur që të ndizte dritat, kanë pasur dijeni të rutinës së përditshme të Xhelal Reçit. Rutina ishte qartazi e dukshme për vrasësit, kanë qenë shumë të informuar.

Fëmijët e tij ka dyshime se kanë pasur problematike, konflikte. Mendohet se mund të ketë lidhje me mosmarrëveshjet e dy djemve me persona të tjerë. Një nga djemtë dyshohet se ka pasur një konflikt me B.M dhe E.M. Ky shtetas denoncoi një vit më parë se pati tentativë për tu vrarë. Nga ana tjetër, ka edhe një konflikt me një shtetas tjetër me inicialet Y.Ibrahimi por këto janë pista paraprake. Njëri ka qëlluar me pistoletë, tjetri nuk ka qëlluar. Dyshohet se gjithsej kanë qenë 3 persona”, tha Hoxha.

Ajo thotë se djali i viktimës, të cilin kishin tentuar ta vrisnin një vit më parë shoqërohej me një të dënuar me burg përjetë, por që është në liri pas vendimit të Gjykatës së Krujës.

“Për shtetasin Besnik Reci ka të dhëna në rrugë operative se djali i Xhelal Reçit, Besnik Reçi shoqërohet me një shtetas që ishte i dënuar me burgim të përjetshëm, por Gjykata e Krujës i dha liri dhe ky është në liri”, tha Hoxha.

Xhelal Reçi u qëllua me dy plumba mëngjesin e sotëm në biznesin e tij në afërsi të komisariatit të policisë në Kurbin, një ngjarje e cila tronditi të gjithë zonën. Familja Reçi ka në pronësi disa biznese në zonën e Kurbinit.