Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Vrasja e Martin Canit/ 5 të mitur thirren për të dëshmuar në Gjykatë, autori mohon akuzat

Politiko 2 Qershor 2025, 14:49

Vrasja e Martin Canit/ 5 të mitur thirren për të dëshmuar

Në Gjykatën e Tiranës u zhvillua procesi gjyqësor për vrasjen e 14-vjeçarit Martin Cani.

Në seancën e radhës, para trupit gjykues janë paraqitur për të dëshmuar 5 të mitur, në cilësinë e personave që kanë dijeni për ngjarjen.

Mes dëshmitarëve ishte edhe i mituri K.B, i cili ndodhej në vendngjarje në momentin e ngjarjes. Ky dëshmitar ka qenë subjekt i pretendimeve nga familjarët e viktimës, të cilët kërkojnë zbardhje të plotë të rrethanave që çuan në humbjen e jetës së Martin Canit.

Dëshmia e të miturve është zhvilluar pa praninë e autorit të dyshuar, Mario Perlleshaj, ashtu siç parashikohet nga ligji për mbrojtjen e të miturve në proceset gjyqësore. Nga ana tjetër, përmes avokatit të tij mbrojtës, Perlleshaj vijon të mohojë akuzat për vrasje, duke pretenduar se ka qëlluar vetëm ndaj Luis Meces, i cili mbeti i plagosur dhe jo ndaj Martin Canit.

Seanca e ardhshme pritet të zhvillohet me dëshminë e 7 personave të tjerë, ku përfshihen 4 të mitur, të cilët gjithashtu do të dëshmojnë në cilësinë e personave që kanë dijeni për rrethanat e ngjarjes.

Procesi gjyqësor ndaj Mario Perlleshajt është në një fazë të rëndësishme, ku dëshmitë e të miturve pritet të kenë rol kyç në zbardhjen e plotë të të vërtetës. Familjarët e viktimës kërkojnë drejtësi, ndërsa mbrojtja këmbëngul për një interpretim ndryshe të dinamikës së ngjarjes.

Të fundit