Flash News

Përplasen makinat në Bulqizë, dy të plagosur

Arrestohet administratori i një subjekti, procedohen penalisht dy punonjës të IMT-së në Korçë

Ekstradohen tre shqiptarë të shpallur në kërkim ndërkombëtar

Trafiku i kokainës nga Amerika Latine, Gjykata e Posaçme lë në burg shtatë të arrestuarit

FIFA publikon renditjen e re, Shqipëria humb dy pozicione

E-TJERA

Vrasja e Martin Canit, dëshmojnë 6 persona në seancë me dyer të mbyllura

Politiko 11 Qershor 2025, 16:28

Vrasja e Martin Canit, dëshmojnë 6 persona në seancë me dyer

Vijojnë seancat gjyqësore në lidhje me ngjarjen e rëndë që tronditi opinionin publik në nëntor të vitit të kaluar, ku mbeti i vrarë 14-vjeçari Martin Cani. Ditën e sotme, në Gjykatën Penale të Tiranës janë dëgjuar dëshmitë e 6 personave në lidhje me vrasjen e të miturit, për të cilën është në gjykim bashkëmoshatari i tij, Mario Përlleshaj.

Katër nga dëshmitarët janë vajza të mitura, të cilat ndjekin mësimet në një klasë paralele me atë të viktimës. Ato kanë dëshmuar përpara gjyqtarës së çështjes në një seancë me dyer të mbyllura, për shkak të moshës së tyre dhe ndjeshmërisë së çështjes. Përveç tyre, kanë dëshmuar edhe dy persona të rritur, të cilët ndodhen rastësisht në vendin e ngjarjes dhe janë thirrur si dëshmitarë për të ndihmuar në sqarimin e rrethanave të vrasjes.

Ndërkohë seanca e radhës për këtë çështje është caktuar për datën 25 qershor.

Kujtojmë që ngjarja e rëndë ndodhi më 18 nëntor 2024, kur pas një konflikti mes dy të miturve jashtë ambienteve të shkollës 9-vjeçare “Fan Noli”, Mario Përlleshaj goditi me thikë në bark bashkëmoshatarin e tij, Martin Cani. Ky i fundit arriti të ecte disa metra drejt shkollës, por u rrëzua i gjakosur në trotuar dhe ndërroi jetë më pas në spital.  Gjithashtu ditën e djeshme në media janë publikuar pamjet e momentit të vrasjes së të miturit.

Të fundit