Flash News

Akuzohet si pjesë e një grupi kriminal, arrestohet 23-vjeçari në Vaun e Dejës

Lëkundje të njëpasnjëshme tërmeti në Tiranë

Nxehet punësimi sezonal në bregdet, kërkohen punonjës me paga deri në 250 mijë lekë

Aksident në Lezhë, 69-vjeçari humb kontrollin dhe godet 4 automjete të parkuara

Aksident në Lezhë, makina përfundon në parkimin e një këndi lojrash

E-TJERA

Vrasja e Renato Hoxhajt në Vlorë, tre persona shpallen në kërkim njëri prej tyre rumun, dy shqiptarë

Politiko 23 Maj 2025, 20:10

Vrasja e Renato Hoxhajt në Vlorë, tre persona shpallen në

Policia e Vlorës ka shpallur zyrtarisht në kërkim tre persona të dyshuar si të përfshirë në vrasjen e 58-vjeçarit Renato Hoxhaj, i cili u ekzekutua mëngjesin e 27 prillit pranë banesës së tij në lagjen “Hajro Çakërri”.

Sipas burimeve hetimore, të tre personat ndodhen jashtë territorit të Shqipërisë. Njëri prej të shpallurve në kërkim është një shtetas rumun, i dyshuar se ka qenë ekzekutori i vrasjes, ndërsa dy të tjerët janë shtetas shqiptarë, që dyshohet se kanë bashkëpunuar në organizimin dhe logjistikën e atentatit.

Ndër të kërkuarit është edhe Alesio Dobrozi, një emër i njohur për drejtësinë shqiptare, i konsideruar mik i Ramazan Rrajës dhe i Roan Brahimit, alias Sidorel Prendi, ky i fundit i vrarë në maj të vitit të kaluar në Athinë. Dyshohet se Dobrozi ndodhet aktualisht në Dubai.

Shtetasi rumun dyshohet se është larguar nga Shqipëria menjëherë pas krimit, duke kaluar përmes pikës kufitare në Qafë Botë, ku mësohet se është ndihmuar nga shtetas shqiptarë.

Ndërkohë, i vetmi person i arrestuar deri më tani për këtë ngjarje të rëndë është 37-vjeçari Eris Mehmetaj. Nga hetimet ka rezultuar se ai i ka dhënë autorit automjetin e përdorur në krim, mjet të cilit më pas i janë ndërruar targat për të shmangur identifikimin.

Hetimet vijojnë për zbardhjen e plotë të kësaj vrasjeje me elementë të organizuar dhe për lokalizimin e personave të shpallur në kërkim.

Të fundit