Flash News
Shoferja humb kontrollin në aksin Devoll-Miras, dy të plagosur
SPAK sekuestron pasuritë e dy ortakëve të Evis Berberit
Goro në burg, Blerina Balaj komandohet kryetare e Bashkisë Himarë
Video/ Tensione në mbledhjen e Këshillit Bashkiak të Himarës, qytetari pështyn në fytyrë Vangjel Tavon
Olsi, ashtu si Edi, qenka burrë p….
Vrasja e rojes në TCH, Associated Press: Hetimi nuk ka dhënë asnjë pistë
Sulmi me kallashnikov drejt godinës së Top Channel, ku mbeti i vrarë roja i sigurisë Pal Kola, ka marrë jehonë edhe nga mediat e huaja.
“Associated Press” shkruan se nga të shtënat në TCH ku u vra Kola, u qëllua me 25 plumba ku stafi ishte në turnin e natës.
Kola, baba i tre fëmijëve që jetonte në mënyrë modeste në periferi të Tiranës, kishte gjashtë muaj që punonte në siguri.
“Top Channel e ka të qartë se ky akt i paprecedentë terrorist është kryer për të dëmtuar dhe sulmuar misionin e medias së lirë dhe fuqinë e punës së lirë”, në një deklaratë të stacionit.
Policia zbuloi mbetjet e djegura të një kamioni dhe dy pushkë automatike kallashnikov rreth 50 km (30 milje) nga vendi i të shtënave.
Autoritetet lokale, shoqatat e gazetarëve dhe ambasadat dhe organizatat perëndimore denoncuan sulmin dhe i kërkuan organeve të zbatimit të ligjit që t'i nxjerrin autorët para drejtësisë.
AP shkruan se pavarësisht provave të grumbulluara, ende hetimi nuk ka dhënë rezultat dhe as pista ku policia është fokusuar.
“Është e paqartë se çfarë e nxiti sulmin. Një hetim nuk ka nxjerrë deri tani asnjë pista”, shkruan AP.