Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Vrau ish-dhëndrin pranë gjykatës në Tiranë, RENEA gjen në lumin Lanë armën e krimit

Politiko 4 Qershor 2021, 18:43

Vrau ish-dhëndrin pranë gjykatës në Tiranë, RENEA gjen

Disa orë pas ngjarjes së rëndë që u shënua paraditen e sotme në një bar pranë Gjykatës së Tiranës, forcat speciale të RENEA-s kanë gjetur armën, me të cilën Mexhit Picari qëlloi për vdekje ish-dhëndrin e tij, Kudret Saliaj, si dhe plagosi lehtë edhe prokurorin Adriatik Cama.

Arma që u përdor nga autori është gjetur nga RENEA në lumin e Lanës.

Dinamika e ngjarjes:

Krimi i sotëm është regjistruar pak para nisjes së seancës gjyqësore, e cila niste në orën 12:00. Mësohet se Mexhit Picari dhe vajza e tij Dhurata ishin të ulur në një lokal pranë Gjykatës së Tiranës, teksa të ulur në një tavolinë tjetër në të njëjtin lokal ndodhej dhe Kudret Saliaj me avokatin e tij Adriatik Cama.

Në një moment, Picari është ngritur nga tavolina dhe ka nxjerrë pistoletën duke qëlluar 8 herë në drejtim të Kudret Saliaj. 5 nga plumbat kanë goditur Saliajn dhe 1 tjetër avokatin e tij, Adriatik Camën.

Pasi vrau Saliajn, Mexhit Picari është larguar nga vendngjarja së bashku me Dhuratën, ish-bashkëshortja e viktimës. Pas kontrolleve të policisë, ai është arrestuar në shtëpinë e Dhuratës në zonën e Yzberishtit.

Kudret Saliaj, viktima e sotme, ka akuzuar ish-bashkëshorten e tij, Dhuratën për tradhti dhe dhunë fizike e psikologjike ndaj 3 fëmijëve të saj.

Kjo e fundit ka hedhur poshtë të gjitha akuzat e bëra nga burri i saj, mirëpo 32-vjeçarja u arrestua në muajin Tetor në 2020 dhe është hetuar në arrest shtëpie për dhunë fizike e psikologjike ndaj fëmijëve dhe kërcënime ndaj vjehrrës.

Më datë 2 tetor, 32-vjeçarja mori leje nga puna për të shkuar në spital pasi nuk ndihej në gjendje të mirë shëndetësore, por në këtë momenti shpërtheu konflikti me burrin, që sipas saj, e akuzoi se kishte shkuar me të dashurin. Kjo ka qenë dhe kulmi i konfliktit mes Kudretit dhe Dhuratës.

Të fundit