Flash News

Aksident në aksin Fier-Lushnje, Benz-i përplas nga pas furgonin me pasagjerë, 7 të plagosur, dy në gjendje të rëndë

Shpërthime të fuqishme në Tel Aviv dhe Jerusalem, Irani sulmon me mbi 100 raketa

Përfshihet nga flakët makina në Bulqizë, shpëton shoferi dhe pasagjerët

Zjarr në Berat, përfshihet nga flakët një sipërfaqe me shkurre

Emigranti shqiptar i nxori nga lumi, dy fëmijët nuk ia dalin dot, pësojnë vdekje klinike

E-TJERA

Vrau kushëririn me thikë në Klos, Hazbi Velsula lihet në burg, refuzon të flasë para gjykatës

Politiko 13 Qershor 2025, 16:24

Vrau kushëririn me thikë në Klos, Hazbi Velsula lihet në

Gjykata e Dibrës ka vendosur “arrest me burg” për Hazbi Velsulën, 32 vjeç, autorin e dyshuar të vrasjes së kushëririt të tij, Selim Velsula, 65 vjeç, krim i rëndë që ndodhi më 11 qershor në fshatin Xibër-Murriz të Klosit.

Gjatë seancës gjyqësore, Velsula nuk ka pranuar të japë asnjë deklaratë përpara togave të zeza, duke refuzuar të bashkëpunojë me hetuesit dhe duke kërkuar praninë e avokatit mbrojtës.

Sipas Policisë, ngjarja ka ndodhur pas një konflikti fizik mes dy kushërinjve për motive të dobëta, që përfundoi tragjikisht me goditjen fatale me thikë ndaj 65-vjeçarit.

Pas krimit, autori u largua nga vendngjarja dhe u fsheh në banesën e të vëllait në zonën e Alliasit në Tiranë, ku edhe u kap nga efektivët e Drejtoria Vendore e Policisë Tiranë, falë informacioneve të siguruara në rrugë operative.

“Në cilësinë e provës materiale është sekuestruar arma e ftohtë (thikë), që dyshohet se është përdorur nga autori në momentin e krimit”, thuhet në njoftimin zyrtar të Policisë.

Ngjarja ka tronditur banorët e zonës dhe familjarët, ndërsa hetimet vijojnë për të zbardhur plotësisht rrethanat dhe motivet e kësaj ngjarjeje të rëndë.

Hazbi Velsula pritet të përballet me akuzën për vrasje me dashje, që parashikon dënime të rënda sipas Kodit Penal.

Të fundit