Vrau shokun nga pakujdesia, arrestohet 27-vjeçari nga Fushë Bulqiza, procedohen edhe prindit e tij; Si u përfshinë në krim

Zbardhet ngjarja e ndodhur mbrëmjen e djeshme në Fushë Bulqizë, ku një i ri mbeti i vrarë me armë zjarri kallashnikov, 22 -vjeçari Elidon Basha.

Policia njofton se në pranga ka rënë autori K. K., 27 vjeç, lindur  dhe banues Fushë Bulqizë, pasi akuzohet për vrasje nga pakujdesia të shokut të tij me të cilin kishin dalë për gjueti.

Policia ka proceduar edhe prindërit e autorit sepse akuzohen se kanë tentuar të fshehin provat.

Njoftimi:  

Strukturat Hetimore të Drejtorisë Vendore të Policisë Dibër, në bashkëpunim me ato të Komisariatit të Policisë Bulqizë, nën drejtimin e Prokurorisë së Rrethit Gjyqësor Dibër, falë veprimeve të shpejta profesionale dhe hetimore bënë të mundur zbardhjen e ngjarjes   së ndodhur në rrugën  Fushë- Bulqizë --Kodër Dane,  ku humbi jetën 22 -vjeçari E.B.

Si rezultat  i veprimeve hetimore u  bë e mundur gjetja e armës së zjarrit tip 'Kallashnikov', me të cilën autori nga pakujdesia plagosi me pasojë vdekjen 22- vjeçarin, ngjarje e ndodhur  në vendin e quajtur Fusha e Peladhisë, në afërsi të ish Repartit Ushtarak , vend në të cilin kishin shkuar për gjueti.

Gjithashtu u gjetën dhe u sekuestruan në cilësinë e provës materiale motomjeti me të cilin kishin lëvizur për gjueti, një armë gjahu , një kallashnikov, një pushkë sportive, një gjerdan me fishekë, një elektrik dore  si dhe rrobat me njolla gjaku që autori kishte veshur në momentin e ngjarjes.

Në vijim të veprimeve u bë arrestimi në flagrancë i shtetasit  K. K., 27 vjeç, lindur  dhe banues Fushë Bulqizë.

Gjithashtu  janë proceduar penalisht prindërit e autorit të dyshuar konkretisht shtetasit H.K.,  e M.K., pasi autori së bashku me prindërit  kanë kryer veprime që pengojnë zbulimin e së vërtetës dhe konkretisht kanë fshehur motorin me të cilin ka lëvizur i arrestuari dhe viktima, kanë fshehur robat me njolla gjaku të cilat mbante veshur autori, në momentin e ngjarjes, si dhe  kanë çmontuar e pastruar armën e gjahut të cilën i arrestuari e ka patur në momentin e ngjarjes.

Materialet  hetimore në ngarkim të autorit të dyshuar dhe prindërve të tij i kaluan Prokurorisë për veprime të mëtejshme për veprat penale në ngarkim të shtetasit K.K, " Vrasja nga pakujdesia", "Armëmbajtje  pa leje","Prodhimi dhe mbajta pa leje e armë të gjuetisë",  "Drejtimi i mjetit në mënyrë të pa rregullt",  dhe ndaj prindërve të tij për veprën penale "Veprime që pengojnë zbardhjen e së vërtetës".

 

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm