Flash News

Dy vëllezër tentojnë të vrasin kushëririn në Kukës, njëri arrestohet pas një viti në arrati

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Vlorë/ Përplasi të miturën dhe u largua nga vendngjarja, shpallet në kërkim 27-vjeçarja

Tri mënyra të mirëprovuara për të demontuar një autokrat

E-TJERA

Vuan nga probleme të shëndetit mendor, 42-vjeçari përplas mjetet e policisë gjatë arratisjes nga QSUT, lëndohen 2 efektivë

Politiko 23 Maj 2025, 12:25

Vuan nga probleme të shëndetit mendor, 42-vjeçari përplas

Një 42-vjeçar, dyshohet i sëmurë me probleme të shëndetit mendor, është arrestuar nga policia.

Ai tentoi të arratisej nga QSUT, pasi kishte qëlluar më parë me pistoletë lodër mjeken. Gjatë ndjekjes nga policia, 42-vjeçari përplasi edhe 3 makina policie.

“Sekuestrohet sendi me të cilin qëlloi 42-vjeçari.

Rreth orës 09:00, shtetasi E. V., 42 vjeç, dyshohet me probleme të shëndetit mendor, ka qëlluar me pistoletë lodër (me gogla), në drejtim të gjymtyrëve të poshtme, një mjeke të Qendrës Spitalore Universitare "Nënë Tereza", dhe ka tentuar të largohet me automjet nga ambientet e kësaj qendre.

Menjëherë pas marrjes dijeni, shërbimet e Policisë i janë vënë në ndjekje këtij shtetasi, kanë mundur ta kapin dhe kanë kryer shoqërimin e tij, në ambientet e Policisë, me qëllim kryerjen e veprimeve të mëtejshme procedurale.

Gjatë tentativës për t’u larguar, 42-vjeçari ka përplasur me automjetin që drejtonte, 3 automjete policie. Nga përplasjet u dëmtuan lehtë 2 punonjës policie të qarkullimit rrugor.

Grupi hetimor, në drejtimin e Prokurorisë së Tiranës, vijon punën për dokumentimin e rrethanave të rastit”, njofton policia.

Të fundit