Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Vuçiç zotohet të shmangë konfilktin me Kosovën ‘nën hijen’ e Ramës: Doni një Ukrainë të dytë apo çfarë?

Politiko 2 Prill 2023, 19:03

Vuçiç zotohet të shmangë konfilktin me Kosovën

Një takim trepalësh është mbajtur mes kryeministrit Edi Rama, presidentit serb Aleksandër Vuçiç dhe kryeministrit të MV-së Dimitar Kovaçevski në Itali aty ku u zhvillua Panairi i Verërave. Takimi u bë në kuadër të nismës së tre vendeve, “Ballkanit të Hapur”.

Një nga çështjet që u prek gjatë konferencën për mediat, ishte edhe Kosova, pikë në të cilën Rama tha se ndahen Shqipëria dhe Serbia. Teksa fliste për Kosovën, Rama u shpreh se nga takimi me kryeministrin Albin Kurti, kuptoi se ky i fundit ishte më konstruktiv se herët e tjera.

“Nëse do të vazhdonim të mos i flisnim njëri-tjetrit e të qëndronim në barrikadat e së shkuarës, sot mund të kishim qenë në një pozicion shumë të keq me të gjitha krizat që janë shpalosur vetëm në kufijtë e Evropës. Natyrisht kemi një mosmarrëveshje të madhe apo një distancë mjaft e madhe kur bëhet fjalë për atë që ju e quani Kosova e Metohia dhe unë e quaj Kosova. Kjo është arsye për të folur më shumë.

Jam takuar me Kurtin para pak ditësh dhe është më i hapur e konstruktiv se më parë. I thashë dhe e përsëris se duhet të nxisim e të sigurohemi se si Asociacioni dhe aspekti fetar i dialogut garantohen 100% për qytetarët serb në Kosovë që janë pakicë dhe duhen parë si urë e së ardhmes, jo problem mes të gjithëve ne në të ardhmen”, ka thënë Rama.

Mirëpo, presidenti Vuçiç ka lëshuar një deklaratë të fortë kur teksa u pyet për Kosovën, iu referua situatës aktuale në Ukrainë, ku prej më shumë se një viti Vladimir Putin vijon ta mbajë të mbërthyer me sulme e raketa.

Vuçiç iu drejtua gazetarëve duke iu thënë “a doni një Ukrainë të dytë”, duke nënkuptuar gjendjen serioze mes Prishtinës dhe Beogradit. Teksa u zotua se do të bëjë maksimumin për të shmangur një luftë të mundshme, përfshiu edhe Ramën, të cilin e konsideroi “krahun e tij të djathtë”.

“Po, ne nuk biem dakord për një sërë çështjesh sidomos për këtë. Por, unë nuk qortoj Edin, se ai nuk e bën këtë me mua. Ne mund të përgënjeshtrojmë veprimet e njëri-tjetrit por s’bëjmë përplasje për bashkëpunim. Po mirë, çfarë do bëjmë? Të zihemi, të bëjmë një Ukrainë tjetër apo çfarë? Shoh se ka shumë njerëz që presin të shohin një përplasje të madhe? Çfarë kërkoni nga ne? Do bëj maksimumin tim për ta shmangur, edhe Edi po bën të njëjtën gjë. Është e lehtë të flasësh, ne i dimë dallimet tona dhe jetojmë me to. Besoj në miqësinë e ardhshme në qytetarët shqiptar dhe serbë”, tha Vuçiç.