Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Yuri Kim: Afganët do strehohen përkohësisht në Shqipëri, nuk kemi një numër të saktë

Politiko 17 Gusht 2021, 12:21

Yuri Kim: Afganët do strehohen përkohësisht në

Ambasadorja e SHBA, Yuri Kim ka dhënë detaje mbi afganët që pritet të mbërrijnë në Shqipëri, pasi talibanët kanë marrë pushtetin e plotë.

Pas një takimi të zhvilluar me ministren e Punëve të Jashtme, Olta Xhaçka, paraditen e sotme, Kim foli për mediat, ku tha se SHBA po punon shumë ngushtë me qeverinë shqiptare lidhur me vendimin për pranimin e një numri të caktuar afganësh në Shqipëri.

E pyetur nga mediat, Kim tha se nuk ka ende një numër konkret të afganëve që pritet të strehohen në Durrës dhe Tiranë, teksa shtoi se qëndrimi i tyre do jetë i përkohshëm pasi destinacioni i tyre final do jetë SHBA.

"Patëm një takim të rëndësishëm për  strehimin e afganëve në vendin tuaj dhe vlerësojmë shumë këtë gjest të Shqipërisë për ata që i ikin zonës së luftës. Shqipëria dhe shqiptarët janë cilësuar si popull që u japin strehim, duke përkujtuar edhe vitet ‘90 kur ata ikën vetë jashtë kjo është diçka që bota duhet ta dijë dhe të gjithë duhet të jenë mirënjohës ndaj Shqipërisë.

Detajet nuk janë vendosur ende, por në të ardhmen do të koordinohemi ngushtësisht. Nuk kemi një numër të saktë të afganëve që do zbarkojnë këtu pasi situata ndryshon nga momenti në moment, por afganët do të vijnë këtu herë pas here në varësi të linjave ajrore të SHBA. Për momentin kemi mijëra afganë të strehuar në SHBA dhe nuk dimë si do bëhet shpërndarja” ", tha Kim.

Të fundit