Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Yuri Kim: Nuk ka vend si Shqipëria, asnjë njeri në botë si shqiptari

Politiko 20 Korrik 2022, 18:09

Yuri Kim: Nuk ka vend si Shqipëria, asnjë njeri në botë si

Ambasadorja e Shteteve të Bashkuara të Amerikës në Shqipëri, Yuri Kim e ka cilësuar Shqipërinë një vend të veçantë dhe provilegj që shërben si përfaqësuese e SHBA.

Ndërsa mori pjesë në ceremoninë e promovimit të librit “Ambasadorët amerikanë në Shqipëri” nga gazetari dhe shkrimtari Roland Qafoku, Kim vlerësoi miqësinë dhe partneritetin me Shqipërinë ndër vite duke kujtuar raportet në një shekull dhe dy momentet kur ambasada u detyrua të evakuohej për herë të parë në vitin 1946 për një kohë shumë të gjatë dhe më pas në vitin 1997. Kim rrëfeu edhe një histori me ambasadorin Ryerson.

“Për çdo Ambasador Amerikan është një nder i madh, t’i kërkohet nga Presidenti i Shteteve të Bashkuara, të përfaqësojë vendin tonë në një vend tjetër. Për ata nga ne që mund të vijnë në Shqipëri si ambasadorë, është një nder edhe më i madh dhe është një nder shumë i veçantë. Nuk është se Shqipëria është vendi më i madh, apo sepse është vendi më i pasur, nuk është asgjë e ngjashme me këto. Është thjesht sepse ky është vendi më i veçantë. Nuk ka asnjë vend si Shqipëria, asnjë njeri në botë si shqiptari. Dhe miqësia që kanë amerikanët, që ambasadorët amerikanë mund të përjetojnë personalisht me ju, është diçka vërtet e paharrueshme.

Mund ta kem përmendur edhe më parë se përpara se të vija në Tiranë, kam vizituar ambasadorët e mëparshëm që janë ende mes nesh, përfshirë ambasadorin Ryerson. Ai më dha udhëzime për rrugën drejt shtëpisë së tij sipas mënyrës së vjetër. Nuk më dërgoi një pikë në hartë për ta ndjekur përmes GPS. Ai më dërgoi një udhëzim të gjatë: ec për dy milje nga kjo anë, kthehu majtas, 1,5 milje nga kjo anë, kthehu djathtas, të gjitha këto. Dhe unë thashë, “si do ta di që kam mbërritur në shtëpinë tënde”? Është një udhëtim i gjatë, një orë jashtë Uashingtonit. Ai më tha, mos u shqetëso, do ta kuptosh. Pra, unë jam duke ngarë makinën për një orë, kaloj shtëpi, kuaj, ferma, aeroporte. Dhe pastaj, në fund të një ore të gjatë, shoh diçka dhe e di se këtu jeton Ambasadori Ryerson. E dini nga e kuptova? Edhe aty në fshat në Uashington DC, shumë vite pasi u largua nga ky vend, jashtë shtëpisë së tij, valëvitet me krenari flamuri kuqezi pranë flamurit amerikan. Në zemrën e tij, ai nuk u largua kurrë nga Shqipëria.

Pra, kjo është gjëja tjetër që dua të them. Në njëqind vjet miqësi mes Shteteve të Bashkuara dhe Shqipërisë, ne jemi larguar dy herë, në vitin 1946 për një kohë shumë të gjatë dhe në vitin 1997. Shpresoj që episode të tilla mos përsëriten kurrë, shpresoj që të gjithë të nxjerrim mësimet e diktaturës, të dhunës. Shpresoj që të bashkohemi, të qëndrojmë së bashku si miq. Unë mund t’ju them këtë, Amerika ka qenë me ju që në fillim, që në ditët e para të Republikës së Shqipërisë, të Mbretërisë Shqiptare, madje edhe para se të ekzistonit si Republika e Shqipërisë, Mbretëria e Shqipërisë, ne besuam në popullin shqiptar. Ne besuam në sovranitetin tuaj. Ne besuam në pavarësinë tuaj. Ne besuam në forcën tuaj, në të ardhmen tuaj. Ne besojmë tek ju, ne besojmë në Shqipërinë në Evropë dhe besojmë se është jashtëzakonisht e rëndësishme dhe një nder i madh për çdo ambasador amerikan që të përfaqësojë Shtetet e Bashkuara këtu në Tiranë, Shqipëri, në këtë kryeqytet Europian”, tha Kim.

Gazetari dhe studiuesi i njohur Roland Qafoku ka promovuar sot librin e tij te ri te titulluar “Ambasadorët Amerikanë në Shqipëri” (1922-2022). Ky liber vjen pak dite para kremtimit te 100-vjetorit te maredhenieve mes SHBA-se dhe Shqiperise. Te pranishem ne kete promovim ishin krahas studiesve, gaaetareve dhe miqve te autorit, edhe kryeministrit Rama, ambasadorja amerikane Yuri Kim si edhe deputete te mazhorances dhe opozites. Nga shumica ishin perfaqesues Taulant Balla si edhe Arben Pellumbi ndersa nga opozita merrnin pjese kryetarja e LSI Monika Kryemadhi, deputetja Erisa Xhixho, sekretari i pergjithshem Endrit Braimllari si edhe nga PD, deputetja Ina Zhupa.