Flash News

Integriteti i BE-së në Shitje: Edicioni i Tiranës

Arrestohen dy persona në Vlorë, kapen me lëndë narkotike të ndarë në doza gati për shitje

Gjyqi për vrasjen e Martinit, Babai i Luis Meçes përplaset me prokuroren: Po flini gjumë me dosjen

Aksidenti në Astir/ Makina merr zvarrë një person te vijat e bardha

Celibashi: Platforma e KQZ ra pre e disa sulmeve kibernetike të organizuara gjatë zgjedhjeve

E-TJERA

Zbardhen detaje të reja nga operacioni “Ura”: Adi Çoba dhe Elvis Doçi, bosët e trafikut të drogës Shqipëri-Itali-Holandë

Politiko 22 Maj 2025, 17:46

Zbardhen detaje të reja nga operacioni “Ura”: Adi Çoba

Operacioni i përbashkët i zhvilluar një ditë më parë nga SPAK dhe antimafia italiane e Barit, i koduar “Ura”, ka zbuluar një rrjet të gjerë kriminal të trafikut ndërkombëtar të drogës, ku janë lëshuar 52 urdhër-arreste në Shqipëri dhe Itali. Në qendër të hetimeve qëndron Adi Çoba, pronari i kompanisë “Felix Vinum”, i identifikuar si një nga drejtuesit kryesorë të trafikut të heroinës dhe kokainës drejt Italisë.


Sipas BW, Çoba akuzohet se në rolin e kreut të grupit kriminal, organizonte dërgimin dhe pranimin e korrierëve që transportonin sasi të mëdha droge nga Shqipëria dhe Holanda në drejtim të Italisë. Në këtë aktivitet kriminal, ai bashkëpunonte ngushtësisht me Elvis Doçin, një tjetër emër kyç i rrjetit, i njohur për rolin e tij si negociator në tregtinë ndërkombëtare të lëndëve narkotike.


“Anëtarët e grupit, secili në mënyrë të vetëdijshme dhe aktive, kryenin funksione të ruajtjes dhe shitjes së substancës narkotike që vinte nga jashtë, për qëllime fitimi. Ata kishin detyra të përcaktuara në marrjen e sasive të mëdha të narkotikëve në portet e Shqipërisë dhe Holandës, duke i ruajtur dhe më pas shpërndarë ato në territorin italian, si dhe duke administruar pagesat dhe logjistikën përkatëse”, thuhet në dosjen hetimore.


Hetuesit italianë kanë dokumentuar komunikime të vazhdueshme mes Adi Çobës dhe pjesëtarëve të tjerë të grupit, përfshirë edhe Elvis Doçin. Ky i fundit përmendet edhe në dëshminë e të penduarit të drejtësisë Nuredin Dumani, i cili e përshkruan Doçin si një negociator të aftë dhe të besuar në pazaret e trafikut të drogës.


Operacioni “Ura” konsiderohet një nga goditjet më të forta të muajve të fundit ndaj trafikut të organizuar të drogës me lidhje të drejtpërdrejta mes Shqipërisë, Italisë dhe Holandës.

Të fundit