Flash News

Konflikti në Fushë-Milot, policia del me njoftim: Nuk u gjet asnjë gëzhojë

Përplasja në KZAZ Vorë, KQZ revokon akreditimin e vëzhguesve

Sherr në një qendër votimi në Fushë-Milot, qëllohet me armë

Shifrat/ Vlora, qarku me pjesëmarrjen më të ulët në votime

Erion Veliaj voton në ambientet e paraburgimit të Durrësit

E-TJERA

Zbardhen detaje tronditëse nga dëshmia e nënës së Mark Samson: E gjeta Ilariën të pajetë në dhomë

Politiko 13 Prill 2025, 17:35

Zbardhen detaje tronditëse nga dëshmia e nënës së Mark

Detaje të reja janë zbuluar nga dëshmia e Nors Manlapaz, nëna e Mark Samson, 22-vjeçarit që akuzohet për vrasjen brutale të të resë shqiptare, Ilaria Sula, ngjarje që ka tronditur opinionin publik në Itali dhe Shqipëri.

Në dëshminë e saj, nëna e autorit ka deklaruar se vetëm në mëngjesin e 26 marsit kishte kuptuar se kishte dikush tjetër në banesë. Ajo kishte vënë re dy filxhanë kafeje, dhe pak më vonë kishte dëgjuar zëra debati, por më pas gjithçka kishte rënë në heshtje.

“Në mbrëmje po flija. Vetëm në mëngjes kuptova se ishte dikush tjetër në shtëpi. Pashë dy filxhanë kafeje. Dëgjova debat, pastaj heshtje. Kur hapa derën, pashë vajzën të vdekur. Kam humbur ndjenjat”, ka deklaruar ajo për hetuesit.
Mediat italiane raportojnë se hetimet janë fokusuar në analizimin e njollave të gjakut të gjetura në muret e banesës. Policia dyshon se ato janë shkaktuar gjatë tentativës së Ilarias për t’u larguar ose gjatë përpjekjes për të fshehur trupin e saj, i cili më pas u fut në një valixhe dhe u hodh në një greminë.

Një tjetër pistë e rëndësishme për hetuesit është përcaktimi i saktë i kohës së vdekjes. Mark Samson ka deklaruar se kishte pasur marrëdhënie seksuale me Ilariën në orët e natës dhe se e kishte vrarë të nesërmen në mëngjes, pasi i kishte çuar mëngjesin në dhomë. Megjithatë, detaje të tilla pritet të verifikohen përmes autopsisë.

Dyshime mbi versionin e tij ka ngritur edhe fakti se viktima kishte veshur pantallona të zeza dhe një bluzë të bardhë, dhe jo rroba nate, siç do të pritej nëse vrasja do kishte ndodhur në mëngjes.

Nën hetim janë marrë edhe babai dhe xhaxhai i autorit. I riu ka deklaruar se babai i tij ndodhej në punë pranë Vatikanit në momentin e ngjarjes, por kjo po verifikohet nga autoritetet. Po ashtu, xhaxhai, që jeton në të njëjtën ndërtesë, pretendon se ka qenë në punë, por edhe ai mbetet nën vëzhgim nga organet hetimore.

Hetimet vazhdojnë, ndërsa pritet që të dhënat nga autopsia dhe analizat forensike të hedhin më shumë dritë mbi këtë krim makabër që ka tronditur opinionin publik.

Të fundit