E-TJERA

Zbardhet debati PD-PS në KQZ për implementimin e teknologjisë, socialistët tërhiqen nga propozimi i parë

Zbardhet debati PD-PS në KQZ për implementimin e teknologjisë,
Kreu i KQZ, Ilirjan Celibashi

PD dhe PS nuk kanë gjetur konsensus për projektin pilot që parashikon testimin e votimit dhe numërimit elektronik në dy zona zgjedhore në 25 prill.

Pasi kreu i KQZ, Ilirjan Celibashi zhvilloi një takim me përfaqësuesit e partive politike, Partia Socialiste është tërhequr nga realizimi i projektit pilot në jo më shume se 20% e zonave zgjedhore. Sipas PS, votimi dhe numërimi elektronik duhet të bëhet vetëm në një ZAZ, ku të dojë KQZ, pasi sipas tyre ka kosto të lartë, ndërsa PD insiston që të bëhet në Korçë dhe Fier. 

Kujtojmë se më herët, PS kishte propozuar që projekti pilot të implementohet në Korçë dhe në Tiranë.

Ndërkohë, palët ranë dakord që SMARTMATIC të bëjë identifikimin biometrik në të gjithë vendin për 25 prillin.

Ditari politik

Të fundit