Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Zbardhet dëshmia e plotë e autorit të vrasjes së Iliarian: I çova mëngjesin dhe e vrava me thikën e bukës!

Politiko 5 Prill 2025, 09:20

Zbardhet dëshmia e plotë e autorit të vrasjes së Iliarian: I

Janë zbardhur detaje të reja nga dëshmia e dhënë në Gjykatë nga 23-vjeçari filipinas, Mark Antony Samson, i cili akuzohet për vrasjen e studentes shqiptare 22-vjeçare, Ilaria Sula, në Romë. Pas krimit, ai e fshehu trupin e saj duke e futur në një valixhe dhe duke e hedhur në një zonë të pyllëzuar.

Filipinasi ka treguar se vrasja ka ndodhur mëngjesin e 26 marsit, pas një nate që Ilaria kishte kaluar në banesën e tij. Ai ka shpjeguar se ajo kishte shkuar në banesën e tij në Via Homs, në lagjen afrikane të Romës, mbrëmjen e 25 marsit për të kthyer disa rroba të tij. Sipas tij, ajo kishte qëndruar deri vonë dhe kishte preferuar të flinte atje për të shmangur transportin publik.

Mediat italiane raportojnë se Mark ka rrëfyer se vrasja ka ndodhur për shkak të xhelozisë, pasi kur i ka çuar mëngjesin në shtrat, ka parë një mesazh në telefonin e Ilarisë, e cila i ka treguar se po njihej me një tjetër person.

“I dërgova mëngjesin në shtrat kur ai mesazh erdhi në telefonin e saj. Dhe ajo më tha se po njihej dikë tjetër, e humba mendjen. Në tabaka ishte edhe thika për të prerë bukën, e mora dhe e vrava. Ajo vdiq menjëherë, nuk u mbrojt.”

Filipinasi pretendon se krimin e ka kryer vetë dhe po ashtu edhe tentativën për ta fshehur atë, por ky version nuk i ka bindur hetuesit, ndërsa autori i vrasjes makabër nuk ka pranuar që t’u përgjigjet pyetjeve për praninë e prindërve të tij në shtëpi dhe rolin e tyre të mundshëm.

“Pasi e vrava, dola dhe shkova të blej detergjentë dhe disa lecka. Më pas e mbështjella trupin me celofan dhe e vendosa në dy qese të mëdha mbeturinash, njërën nga ana e kokës, tjetrën nga ana e këmbëve. E mbështolla, mora valixhen dhe e futa brenda. Kështu që vendosa valixhen jashtë derës së dhomës sime dhe fillova të pastroj njollat e gjakut. Në fund mbështolla gjithçka që kisha përdorur në një qilim, madje edhe thikën, dhe i hodha. Unë i bëra të gjitha vetë.”

Pasi pastroi gjithçka, Mark pretendon se e kishte vendosur valixhen në makinë dhe u nis drejt rrugës për në Capranica, ku hodhi valixhen me trupin nga një shkëmb.

Marrja në pyetje u bë një ditë pas autopsisë, e cila zbuloi se Ilaria u vra nga tre goditje me thikë në qafë. Megjithatë versioni i tij nuk ka qenë shumë bindës. Për këtë arsye zëvendësprokurori Giuseppe Cascini dhe prokurorja Maria Perna kanë urdhëruar kontrolle të reja.

Nyja e parë që duhet zgjidhur ka të bëjë me kohën e vdekjes. Autopsia zbuloi se Ilaria e kishte stomakun bosh, detaj që tregon se vrasja ka ndodhur gjatë mbrëmjes, edhe pikëpyetja tjetër është se Ilaria pasi kishte vendosur t’i jepte fund lidhjes, nuk ka gjasa që të ketë zgjedhur të qëndronte dhe të flinte me ish-in e saj.

Jo vetëm kaq, fakti që në makinë nuk u gjetën gjurmë gjaku, lë të kuptohet se gjaku ishte tharë.