Flash News

Krimi elektoral në Belsh, Prokuroria e Elbasanit 4 punonjës të IMT pas kallëzimit të PD

Incident në Giro d’Italia, qytetari përplaset nga çiklisti

PD kundër kërkesës së PS për shtyrjen e orarit të votimit në Vlorë: Abuzim me procesin zgjedhor

I kërkuar në Shqipëri për vrasje, arrestohet në Greqi Ardian Ahmetaj, shoku i Laert Haxhiut

Dita e dytë e “Giro d’Italia 2025”, rrugët që do bllokohen në Tiranë

E-TJERA

Zbardhet vrasja e Vladimir Topjanës në Itali, viktima i kafshoi veshin babait të autorit

Politiko 7 Prill 2025, 17:34

Zbardhet vrasja e Vladimir Topjanës në Itali, viktima i kafshoi veshin

Detaje të reja kanë dalë në dritë lidhur me vrasjen e 43-vjeçarit shqiptar Vladimir Topjana, ngjarje që tronditi komunitetin shqiptar në Itali. Sipas raportimeve nga mediat italiane, konflikti fatal ka nisur pas një debati të ashpër në një lokal në via Buonarroti, në qytetin Fontanafredda, gjatë transmetimit të një ndeshjeje futbolli.

Gjatë debatit, Topjana dyshohet se ka ushtruar dhunë ndaj babait të autorit, duke i kafshuar veshin dhe shkaktuar një dëmtim serioz. Në atë moment, 30-vjeçari shqiptar, i identifikuar si autori i krimit, ka nxjerrë armën dhe ka qëlluar tre herë në drejtim të viktimës. Një nga plumbat e ka kapur Topjanën në kokë, duke i shkaktuar vdekjen e menjëhershme, në sy të kunatit të tij që ndodhej me të.

Pas ngjarjes, autori është arratisur me një automjet tip Audi të bardhë, e cila u shpall në kërkim nga autoritetet gjatë gjithë natës. Automjeti u lokalizua në Orsago, në provincën e Trevisos, ku u bë e mundur edhe arrestimi i të dyshuarit së bashku me babain e tij, i cili ndodhej me të në makinë.

Sipas dëshmitarëve në vendngjarje, përfshirë klientët e lokalit dhe kalimtarë të rastësishëm, ngjarja ndodhi me shpejtësi dhe tronditi të pranishmit. Deklaratat e tyre ishin thelbësore për hetimin. Ndërkohë, grupi hetimor dhe ekspertët mjeko-ligjorë kanë sekuestruar një nga gëzhojat e gjetura në vendngjarje.

Pavarësisht arratisjes fillestare, autoritetet italiane kanë mundur të identifikojnë dhe ndalojnë autorin pas një operacioni të shpejtë. Motivi i plotë i krimit ende po hetohet, por besohet se gjithçka nisi nga një përplasje verbale që degjeneroi në dhunë të ashpër dhe përfundoi me vrasje.

Të fundit