Zgjedhja e organeve drejtuese, Kuvendi mban të hënën seancën plenare

Kuvendi do të mblidhet të hënën në orën 17:00 për të zgjedhur organet drejtuese.

Kujtojmë se kjo seancë do të drejtohet nga kryeparlamentarja e re Lindita Nikolla e zgjedhur në seancën e djeshme me 79 vota pro dhe 4 vota kundër.

Procesi i votimit për kreun e ri të Kuvendit u shoqërua edhe me incidente. Deputetët e opozitës refuzuan të votonin propozimin e kryeministrit Rama, duke grisur fletët e votimit e duke i hedhur jashtë kutisë.

Njoftim për media

Të nderuar kolegë,

Ju njoftoj se seanca plenare e Kuvendit të Shqipërisë do të zhvillohet ditën e hënë, datë 13.09.2021, ora 17:00. (Urdhër nr. 1, datë 11.09.2021, i Kryetares së Kuvendit, znj. Lindita Nikolla, bashkangjitur këtij njoftimi.)

Në rendin e ditës të seancës është zgjedhja e organeve drejtuese të Kuvendit.

Procedurat e transmetimit do të jenë të njëjtat me ato të seancave të mëparshme: makinat do të hyjnë dhe sinjalin do ta marrin nga RTSH, gjithashtu do jetë dhe  në transmetim live në faqen ëb dhe FB të Kuvendit.

Ju lutem, kujdesuni që të jenë vetëm makinat që janë të akreditura.

Gjithashtu ju informoj se duke qenë se janë ende në fuqi masat për mbrojtjen nga pandemia Covid-19, nuk është e mundur që gazetarët dhe kamerat të hyjnë në sallë, por do të lejohen vetëm në oborrin e Sallës së Seancave Plenare, në vendin e caktuar për shtypin.

Duke ju falenderuar për mirëkuptimin, mund të më shkruani për çdo nevojë për mbështetje apo sqarim.

Faleminderit!