Flash News

E-TJERA

Zgjedhjet e 25 prillit, mjekët shqiptarë i dërgojnë letër KQZ-së për zbatimin e masave anti-Covid

Zgjedhjet e 25 prillit, mjekët shqiptarë i dërgojnë

Thuajse dy muaj larg nga zgjedhjet e 25 prillit, mjekët shqiptarë në vend dhe jashtë, kanë parashtruar një listë me disa kërkesa për mbarëvajtjen e tyre.

Me anë të një letre drejtuar politikës dhe KQZ, bluzat e bardha shprehen se e shohin me shqetësim respektimin dhe mbarëvajtjen e masave anti-Covid, të cilat të janë përcaktuara me ligj.

Në letrën drejtuar KQZ, ata kërkojnë ndër të tjera, që të ndalohet grumbullimi i më shumë se 10 personave në mjedise të mbyllura, të përdoren maskat dhe të mbahet distanca fizike fizike prej 2 metrash.

Këto kërkesa vijnë si pasojë e situatës të rëndur me Covid-19 më vendin tonë, ku vetëm ditën e djeshme u regjistruan 1039  raste të reja dhe 15 viktima, mes të cilëve edhe një 17-vjeçar.

Kërkesat e tyre:

1- Ndalimin e grumbullimeve të më shumë se 10 personave në mjedise të mbyllura dhe të hapura, në konferenca, tubime, mbledhje partiake, në ceremonitë festive.

2- Përdorimin e detyruar të barrierave mbrojtëse (maskave).

3- Mbajtjen e distancës fizike prej 2 metrash, nga të gjithë personat, gjatë kohës që janë duke qëndruar në hyrje të qendrës së votimit apo vendvotimit. Gjithashtu, votuesit duhet të mbajnë maskën mbrojtëse gjatë gjithë kohës, me përjashtim kur duhet të identifikohen nga anëtari i këshillit të vendvotimit. Në vendvotim duhet të vendosen edhe dezinfektuesit, të cilët do t’i shërbejnë votuesve për t’i dezinfektuar duart në hyrje dhe dalje të vendvotimit.

4- Respektimin rigorozisht të masave anti-COVID nga stafi zgjedhor. Ky staf është përgjegjës për dezinfektimin e tavolinave dhe ajrosjen e herëpasherëshme të vendvotimeve, si dhe për zbatimin e masave mbrojtëse e parandaluese gjatë procesit të votimit dhe atij të numërimit të votave.

5- Marrjen e masave të duhura organizative nga Komisioni Qendror Zgjedhor, për të regjistruar personat që fatkeqësisht mund të jenë të infektuar me Covid-19, ata që janë në karantinë apo izolim të detyruar, si dhe të kujdeset për përditësimin e listës së këtyre votuesve në kohë reale. KQZ duhet të ndërmarrëprocedurat e duhura që personave të izoluar/karantinuar t‘ju mundësohet pjesëmarrja në votim .

6-Takimet, konferencat dhe mbledhjet zgjedhore me mbi 10 persona të mbahen në formatin elektronik, për të evituar kështu kontaktet fizike mes elektoratit.

7-Personat mbi 65 vjeç, si dhe ato që vuajnë nga sëmundje shoqëruese, t’i shmangin aktivitetet parazgjedhore, pasi sipas OBSH-së konsiderohen si më tepër të riskuar nga virusi COVID-19.

Zgjedhjet e 25 prillit, mjekët shqiptarë i dërgojnë

Zgjedhjet e 25 prillit, mjekët shqiptarë i dërgojnë

Zgjedhjet e 25 prillit, mjekët shqiptarë i dërgojnë

Ditari politik

Të fundit