Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Zgjedhjet e pjesshme lokale, Dash Shehi propozon skemë të re: Në politikë nuk bëjmë krushqi

Politiko 19 Janar 2022, 14:53

Zgjedhjet e pjesshme lokale, Dash Shehi propozon skemë të re: Në

Presidenti Ilir Meta deklaroi sot se ka dy data për zgjedhjet e pjesshme lokale: më 27 shkurt ose më 6 mars. Sot ai iu bëri ftesë partive politike për konsultim për datën e zgjedhjeve.

Në një intervistë për A2 CNN, kreu i LZHK-së Dashamir Shehi, propozoi një skemë të re ku të krijohet një komision i përbashkët dhe secila nga palët të zgjedhë një kandidat pa marrë parasysh në se është i Berishës apo i Bashës.

“Me thënë të drejtën e kemi krijuar pjesërisht vetë ne si opozitarë, megjithatë është një provë për ne. Edhe pse nuk do të kemi rezultate shumë të mira nuk do ta bëja tragjike, se dramatike është. Unë propozoj një skemë elementare fare: Të bëjmë një komision të përbashkët të gjithë palët, të zgjedhim për çdo qytet nga një kandidat, pa paragjykimin se është i grupit Berisha, grupit Basha apo ndonjë tjetri. Por një njeri që maksimizojë votat”, u shpreh Shehi.

Shehi u shpreh se nëse Berisha dhe Basha zgjedhin të shkojnë në zgjedhje me kandidatë të veçantë, edhe si kreu i LZHK-së do të zgjedhë kandidatë të tjerë.

“Nuk ka nevojë të shkojmë të gjithë në miting, por të jetë përfaqësuesi i të gjithë palëve. Garën ta lënë për herë të tjera, këtu nuk ka më garë për partitë. Fatkeqësisht, garën për partitë ia falëm Ramës, duke mos hyrë në zgjedhje. Këtu votojmë për individë. Nga një krah do të jetë njeriu i Edi Ramës, me gjithë financimet e qeverisë, nga krahu tjetër do të jetë një njeri i të gjithë neve. Nëse dalim me dy-tre kandidatë, ka mbaruar kjo punë. Nëse ata duan të dalin veç e veç, edhe ne do të mendojmë tonin, sado i vogël. Të bëjmë sikur nuk zihemi. Në politikë ne nuk bëjmë krushqi… E kemi diskutuar me aleatët e tjerë, kjo është ideja. Por për mendimin tim s’ka më aleancë, sepse ajo qe të gjithë ne, bashkë me PD-në. Tani PD-ja nuk ka më nevojë për idetë tona. Sot fillon një fazë e re opozitare. Këto zgjedhje janë një lloj skeme. Le ta vazhdojmë rivalitetin, por kur të hyjmë në zgjedhje, për efekt të pragmatizmit propozoj këtë skemë”, thotë Shehi.

Të fundit