Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Zgjedhjet në Britani, GBN: Bandat kriminale shqiptare po përdoren për efekt elektoral

Politiko 23 Qershor 2024, 15:19

Zgjedhjet në Britani, GBN: Bandat kriminale shqiptare po përdoren

Në Mbretërinë e Bashkuar mbahen zgjedhjet e parakohshme më 4 korrik, teksa mediat angleze kanë rikthyer në vëmendje grupet kriminale që operojnë atje.

Në një artikull të publikuar nga GBN shtrohet pyetja se përse asnjë departament i qeverisë së Mbretërisë së Bashkuar, më së paku Ministria e Brendshme apo Policia, nuk janë në gjendje të ndalojnë rritjen e bandave të egra kriminale që hyjnë në Mbretërinë e Bashkuar nga Shqipëria dhe gjykatat e emigracionit në mënyrë rutinore përkrahin krerët e bandave dhe anëtarët e bandave shqiptare, duke i lejuar ata të jetojnë përgjithmonë në Britani.

Në artikull thuhet se sot kontigjenti më i madh i shtetasve të huaj në burgjet e Britanisë së Madhe janë shqiptarë, në total 1475. Të burgosurit britanikë pretendojnë se shumë sektorët në burgjet e Mbretërisë së Bashkuar tani kontrollohen nga grupe shumë të disiplinuara të banditëve shqiptarë, të cilët vetë duhet t’u binden urdhrave të kryekomandantëve të bandave. Njëra prej tyre, banda e quajtur “Hellbanianz” me anëtarë që shpesh shfaqin shfrytëzimet e tyre kriminale në mediat sociale.

Artikulli vijon duke shkruar se edhe më keq, gjykatat e azilit në Mbretërinë e Bashkuar dhanë pëlqimin midis viteve 2021-2022 për më shumë se gjysmën e të gjithë kërkuesve shqiptarë, edhe pse Shqipëria është një vend krejtësisht i sigurt sipas standardeve ndërkombëtare.

Në janar, thuhet në artikul, dy shqiptarë të botës së krimit Gjelosh Kolicaj dhe Resul Rahova u burgosën për pastrim parash dhe trafik droge, por gjyqtarët i lejuan ata të shmangnin dëbimin pasi kjo do të ‘shkelte të drejtat e tyre të njeriut’, sipas nenit 8 të Konventës Evropiane mbi Të Drejtat e Njeriut (GJEDNJ).

Dyshja organizuan grupe korrierësh udhëtuan 80 herë nga Britania e Madhe në dy vjet drejt Shqipërisë, duke marrë me vete para në valixhe prej më shumë se 100,000 £, ose gjithsej 8 milionë £, të sekretuara në Shqipëri.

Sipas GBN, pas 14 vitesh në pushtet, qeveria konservatore ka dështuar në mënyrë të veçantë për të mbrojtur britanikët nga këta “të fortë”, dhe duket shumë e pamundur që ndonjë qeveri e ardhshme laburiste pas 4 korrikut të ndërmarrë veprime të rrepta.

Artikuli shton se është interesante se bandat irlandeze të dikurshme dominonin mashtrimet në ankandet e makinave të përdorura, në hedhjen masive të mbeturinave dhe në ngritjen e vendeve të karvanëve në zonat rurale dhe më pas kërkonin para nga vendasit për t’i larguar. Përveç kësaj, ishin vietnamezët ata që dikur kontrollonin shumicën e furnizimit me drogë në MB.

Artikulli thotë se kjo nuk ndodh më pasi në të dyja rastet, kriminelët më të dhunshëm dhe të pamëshirshëm nga Shqipëria kanë lënë mënjanë të gjitha bandat e tjera, jo më pak për shkak se shqiptarët janë të armatosur dhe nuk do të hezitojnë t’i përdorin ato ndaj atyre që u pengojnë.